影片
更多
2010-05-24
48 浏览
佛誕個日去飲下午茶, 2:05到達, 冇咩人等, 4人枱, 第2張飛就有位, 首先個知客俾左張66號枱, 去到仲有個伯伯係度飲緊, OK, 個帶位再帶去第2張, BUT係廁所出面 & 後樓梯,成日有人貪放便出入, 一開門dee熱風吹晒入來, 我地硬唔要, 帶位俾返張飛我地又要行去櫃台再排等位, 一陣就有, 係房入面132號枱, 行到門口, 個好似部長既女人拎住張單知我地要入去, 叫我地係門口等一陣, 埋緊單, OK, 又等, 等左差不多5分鐘, 點知個女人仲未入去俾張單個客就同我地講: 個客係埋左單,, 但佢地仲會繼續座, 我同你地睇下邊度有位啦!!下.......唔係嗎, 攪咁耐仲冇位, 你都未入去, 及點知個客唔走呀, 你有預知能力咩, (我地係度飲茶次數都唔少, 都知有dee熟客唔係出面等位, 自己行入去同你地攞位咩), 媽媽已經好唔滿意, 結果個女人帶左我地去酒樓最後面3冇地段(冇冷氣, 只有冷風, 佛誕日勁熱, 冇waiter咁, 得一個waiteress睇晒成20張枱, 冇多餘路, dee枱擺到勁密, 椅背碰椅背, 坐到好唔舒服) 咭都未開俾我地就走左去, 簡直不知所謂
啦啦林叫野食:
鵝瀨x3............ok, 可能隻鵝岩岩燒起, dee皮好脆, but dee湯好咸
布拉腸粉....... 拎到來只係微暖, 唔夠熱, 一陣先食都覺得冷左唔好食
其他仲有蝦餃, 春卷, 奶皇飽, 柚皮排骨, 咖哩魷魚, 牛肚, 鮑汁鳳爪, 茄子都ok啦
其實出外飲食除左食物質數要得之外, 服務都好緊要, 就我地飲緊途中, 周圍都有3枱客, 飲緊個個仲等緊埋單, 就有客拎住飛入來企係度等, 你地唔可以清左張枱先俾人入既咩
等同坐係度都唔好受, 唔係一次半次, 係成日都係咁, 亦都明白點解漢寶仲多人
张贴