亞當麵館 (已結業)

經過尖沙咀海港城附近，要食個late lunch 之後再做嘢，見到呢間車仔麵館諗住快快快食完。餐廳環境都係同一般車仔麵館一樣，而且大多數都係遊客幫襯，可能因為附近都係遊客區同埋商場名店。餐廳主打車仔麵，另外咖喱飯同樣係餐廳主打。點咗一個三餸車仔麵，呢個麵檔比較特別嘅係有日式糖心蛋，糖心蛋蛋黃呈橙色半熟狀態，都比較吸引。而且仲有生腸，份量多但體積比較細碎，最後一餸點咗魚皮餃同普通同預期一樣。車仔麵湯底一般，點咗大辣，大辣係比較多嘅辣椒醬，但辣椒醬嘅香味都係一般。雖然餐廳喺遊客區，亦都多遊客幫襯，但價格尚算合情合理。餐廳侍應服務同態度亦都比較好。