翠華餐廳 (已結業)

周日十時來吃翠華早餐，感覺有如去左花市﹗多人到不得了，差少少仲要在門外排隊，人潮如鯽，睇真0的，絕大部份都係遊客。我估應該不少旅遊書內都有介紹翠華，所以不少遊客都冒名而來﹗又真係抵翠華咁出名，待應服務快上快落，有禮，仲有幾個國語大使招呼內地朋友﹔新鮮麵包蛋撻不停出爐，裝修又夠哂浮誇過癮，我係遊客來了解一下香港既茶記文化，都會來翠華試下﹗叫左個最簡單的鮑魚通粉早餐，包雙蛋及餐包。同工友都異口同聲說呢度個湯底做得唔會好鹹，好怕茶記整到個湯底鹹如鹽水，呢度的夠味不過火，食都食得開心0的﹗25蚊不會太貴，抵食，值得推介﹗