遇見小麵 (荃新天地)

营业中

休息中

人氣抵食川菜國內人氣好勁嘅重慶菜品牌遇見小麵，由上年開到嚟香港，依家香港嘅商場都食到喇。上年已經食過其它分店。今次荃灣荃新天地分店我好鍾意，因為佢店面好大，樓底好高好開揚，雖然枱與枱之間都幾近，不過都可接受。同朋友食飯傾偈嚟呢度感覺比較舒服唔焗促。餐牌都幾多選擇。下午茶餐真係好抵食。有炸雞，麵和飲品。今次同朋友叫咗2個套餐。紅碗碗雜麵，招牌菜當然要試試。麵上面好多配料，炸碗豆，花生，好多榨菜同肉醬，同麵和麻辣油撈埋一齊食，辣得好惹味😋。揀咗微辣，都會愈食愈辣。麵好彈牙，吸哂辣汁好正。麵嘅份量都好多。愈食愈過癮。川味酸菜牛肉麵麵質感似上海麵，份量都算多。牛肉味道正常。小酸辣。袐製脆皮半隻雞呢個大推必食😍😋上枱都幾有份量。皮燒得好香脆，味道調得很惹味。啖啖肉好正。羊肉串一份（3串）好重孜然味道，好濃好惹味。食完一口再一口。喜歡食串燒人士嘅至愛。我同友人都叫咗檸檬茶，唯獨茶唔係煲嘅茶底，有啲美中不足。