Simply Bread (已結業)

昨日和老婆去開銅鑼灣食晏，行經simplybread呢間麵包店，見到d麵包款式好別出心裁，於是入去睇下，d包有別於美x和聖x娜的那種，是造型非常得意的，被它們吸引了於是買了蟲蟲三兄弟、果占千層酥試，嘩！好味呀，個包質地鬆軟，好香，咬落唔會死實實，仲有就係連d內涵都係咁掂，d果占帶微酸食落好開胃，雖然食出得出好重牛油味，但一d都唔覺滯，非常好,值得一讚，價錢還算值得，另外多款蛋糕賣相都一樣咁討好，其中一個叫白芝少女峰和午夜序幕是我最想試的，一定會多多幫襯這間的高質麵包和蛋糕，真係回味無窮，想起都食指大動呀