影片
更多
2015-04-17
749 浏览
最近，不時喺紅磡、尖沙咀遊走肥妹表示，有食錯，冇放過！二月時，見到網上有post講佢幾咁正，真係忍唔住吞幾啖口水先但係！眼見未為真，食左先為實！立馬加落"To-EAT list"先某平日lunch hour，一行幾人都諗唔到食乜，時間又多，就提議試試佢喺火車站，行往黃埔花園方向既天橋，一落會見到時新（左）同媽咪雞蛋仔（右）行呢兩間舖中間條路，第一個馬路口轉左，大昌超市斜對面就係佢喇（一開始，留意唔到佢舖面，好細好唔起眼。好彩友人眼利）舖入面只有兩張兩人高腳枱如果可以，都係外賣會開心啲始終好多人幫襯，你眼望我眼咁，食都食得唔自在...一望餐牌，十幾廿款熱狗腸，睇到一頭霧水老闆娘似乎洞悉我地係新容，好熱情咁逐款介紹聽完一大輪都係決定點芝士黑松露蛋熱狗點左邊款熱狗腸就忘記...因為個蛋同芝士正到一個點！另外，單食熱狗太dry，唔轉COMBO對唔住自己combo包一罐飲品同一份小食（薯條／薯餅／沙律）磨左五分鐘先決定好落單，但老闆娘喺比錢前，突然鞠躬講：「唔好意思，我地比較多單，麻煩你地等二十分鐘。」媽呀！呢度唔係日本，咁有禮貌，我真係受寵若驚！講返隻熱狗外賣返去，都搞左廿分鐘先食得，已經唔期
肥妹表示，有食錯，冇放過！
二月時，見到網上有post講佢幾咁正，真係忍唔住吞幾啖口水先
但係！眼見未為真，食左先為實！
立馬加落"To-EAT list"先
某平日lunch hour，一行幾人都諗唔到食乜，時間又多，就提議試試佢
喺火車站，行往黃埔花園方向既天橋，一落會見到時新（左）同媽咪雞蛋仔（右）
行呢兩間舖中間條路，第一個馬路口轉左，大昌超市斜對面就係佢喇
（一開始，留意唔到佢舖面，好細好唔起眼。好彩友人眼利）
舖入面只有兩張兩人高腳枱
如果可以，都係外賣會開心啲
始終好多人幫襯，你眼望我眼咁，食都食得唔自在...
一望餐牌，十幾廿款熱狗腸，睇到一頭霧水
老闆娘似乎洞悉我地係新容，好熱情咁逐款介紹
聽完一大輪都係決定點芝士黑松露蛋熱狗
點左邊款熱狗腸就忘記...因為個蛋同芝士正到一個點！
另外，單食熱狗太dry，唔轉COMBO對唔住自己
combo包一罐飲品同一份小食（薯條／薯餅／沙律）
磨左五分鐘先決定好落單，但老闆娘喺比錢前，突然鞠躬講：「唔好意思，我地比較多單，麻煩你地等二十分鐘。」
媽呀！呢度唔係日本，咁有禮貌，我真係受寵若驚！
講返隻熱狗
外賣返去，都搞左廿分鐘先食得，已經唔期望佢會點，畢竟係自己擺凍左佢
但係，一打開！！！
佢會唔會太靚仔！啲蛋汁仲係半凝固，仲要好濃既蛋香味，好似呼喚緊你：EAT ME!
（利申：我唔係熱狗迷，但真係好喜歡食蛋）
雖然凍左，但咬落去，麵包微脆，蛋汁慢慢流出嚟，配埋芝士，已經忘記左我係食緊熱狗
啲蛋毫不客氣，你咬入口，佢已經忍唔住要滑過你喉嚨
接住係半溶既芝士，用amercian cheese，冇乜特別；熱狗腸係可以無視
薯條係粗到好似手指嗰種，讚！
睇嚟呢間熱狗店可以研發其他黑松露蛋既配搭
因為，隻蛋真係可以令你上癮
张贴
