第一郡 (已結業)

朋友話呢間好好食啲野好正宗,所以今日就同老公黎試試啦~行到身水身汗見到有芒果同牛油果沙冰即刻叫左黎飲, 好香好滑又唔會太甜, 飲晒都唔會有罪惡感, 太好了!如果你同我一樣咁鐘意牛油果就一定要叫呢個沙冰, 啖啖都有牛油果香, 爽啊~我地叫左個星期六日先有既牛腩燉蔬菜配都麵包, 麵包上枱仲係熱辣辣, 外脆內軟! 牛腩好嫩好入味, 配麵包都唔夠, 如果可以配飯就好啦! 真心必點！！！三色蛋豬扒飯加越式豬皮, 蛋入面加左幾款蔬菜所以叫三色蛋, 唔係金銀蛋個隻三色蛋~ 豬扒又係好嫩都唔洗用刀切, 個飯仲配左好香既蔥油, 一啖接,一啖。不過我地加配既越式豬皮就唔係太岩我地口味, 佢有種好似煙燻既味道? 總之我地就對佢一般般啦.. 蟹膏蕃茄湯檬, 湯底係濃淡適中既蕃茄湯, 唔會好似西式個隻咁濃, 蟹膏係整成一舊正方形咁樣上既, 都幾好食, 份量都幾大碗!小吃我地叫左越式軟包同埋米紙卷, 軟包入面包左札肉, 肉鬆, pickles好足料, 啖啖都好滿足~ 米紙卷用左樹葉包住, 一路食一路搣, 唔會整污糟手又唔怕整散個火紙卷~ 個dipping sauce比平時食開既thick好多, 加左好多花生同p