茶木‧台式休閒餐廳 (已結業)

香港仔茶木開左都有一排，但係次次嚟親都係食lunch/dinner，反而無試過佢啲甜品。香港仔嘅甜品鋪愈開愈多，但好食嘅又無乜幾間，今次就同朋友同佢囡囡嚟食個下午茶，試下佢地個厚多士。星期六下午茶時間，例牌都係要等下位架啦。點知大概15分鐘就入得，抵讚。睇完menu我地兩大一細叫左兩杯野飲+一個toast。草莓蜜糖磚塊小朋友一見到就猛咁話好想食😂確實外型咁繽紛係好吸引嘅。切成一塊塊嘅蜜糖厚多士方便你唔使再切，加埋雪糕，士多啤梨，五顏六色棉花糖，視覺上已經留曬口水。當然食落多士都交足貨，外脆內軟，加埋雪糕食又係好滿足。對我嚟講就偏甜，但小朋友食得好開心。綜合水果茶 HKD37👍🏻👍🏻👍🏻朋友叫嘅野飲，佢話無咩茶味，裡面水果應該都係罐頭野，但勝在飲落refreshing，酸酸地啱哂食甜品🙂紫薯拿鐵（熱）甜到漏。可能因為食緊甜野，但真係好甜。算飲得出紫薯味，仲飲到打成蓉嘅蕃薯。但無下次了。環境&員工卡位都算舒服，員工都有禮貌。但係就有少少漏單，要提醒一下先有野食。