大將 (已結業)

今日去咗大將食90分鐘日式火鍋放題，揀咗南瓜海鮮湯底，包飲品、甜品、小食，加埋一，埋單$222！自助區：蔬菜及菇類：萵荀、秋葵、生菜、白蘿蔔、紅蘿蔔、粟米、大蔥、蕃茄、南瓜、金菇、雞髀菇、秀珍菇等等。✴️食材新鮮，擺放得好整齊，有透明蓋蓋住。小食類：蜜糖紫薯、醬油白蘿蔔、炸雞、生薑燒，沙律。✴️白蘿蔔清甜無榨，炸雞香脆可口，生薑燒炆到好入味，紫薯香甜。✴️甜品：芝士蛋糕、布朗尼、草莓慕絲蛋糕、貝殼蛋糕，整體味道一般。✴️紅豆湯：本人好鍾意飲紅豆湯，但食落有啲失望，一啲起沙既感覺都無無，似係用搞拌機搞既。✴️自製窩夫機：好想食，但真係食唔落，希望下次有機會試。✴️肉類：豚肉油脂分布平均，肉質淋滑，雞肉份量比較少，脂肪少，肉質好鮮嫩。✴️職員：態度友善，殷勤招待。