白宮咖啡室 (已結業)

週六，天氣不錯，較前幾天回暖許多。聽人講 “與神同行” 幾好睇，便約了朋友去荃灣百老匯睇2:15pm。今朝無食早餐，買完飛我哋去了附近一次過食早、午餐，然後才去睇戲。餐廳位於荃灣享和街，細細間，有落地玻璃，望出外邊都好開揚，都幾舒服。價錢都幾平，又唔收加一。朋友揀咗【黑松露雜菌意粉 $58】配飲品【Earl Grey紅茶】，而我就揀咗【All Day Breakfast $60】配飲品【柚子蜜】。【All Day Breakfast】份量都OK，我哋一齊 share。有炒蛋、兩種香腸、薯餅、牛角包、煙肉、沙律菜、茄汁豆、粟米粒，好豐富。【黑松露雜菌意粉】意粉煮得軟硬度適中，被黑松露白汁包住，上面有好多菇菌，味道好好。【柚子蜜】、【Earl Grey 紅茶】兩杯飲品都太淡了，沒什麼味道。其實，本來是想叫熱咖啡，可惜，店員說咖啡機壞了，但真的沒有想到兩杯飲品甚為失色。整體而言，食物唔錯，飲品就尚可改善。