板長壽司 (康怡廣場南座) (已結業)

適逢週三會員特價日 食下久違嘅板長壽司啦✌🏻要咗三文魚刺身 從賣相就已經得知 唔算好新鮮 表面已經冇晒光澤 而且肉都變得唔企身 每一舊嘅口感都係溶溶爛爛 再加上師傅係刺身上面劃左幾刀 更加唔使咬🐟🐟🐟蔥吞拿魚腩蓉軍艦 上碟時紫菜仲係脆 呢樣要讚👍🏻吞拿魚腩蓉上面放咗蔥同埋芝麻 搶晒吞拿魚腩蓉嘅味道 而且魚蓉溫度10分冰凍 根本食唔出吞拿魚嘅鮮味😫我嘅最愛係燒油甘魚鮫 每次叫呢一樣 都會等得耐啲 因為魚餃係即叫即燒 不過好值得 咬落去有魚皮嘅位置仲係脆嘅 入面充滿油甘魚嘅油香 特別係腩位部份 好正💕💕