錦壽築地 (已結業)

平日食壽司都會食嗰啲大型連鎖店，因為覺得有保證又唔使特別諗... 今次就上openrice見到呢間日本餐廳，好似幾多好評，又坐得舒服，於是決定試下... 點咗個雜錦壽司拼盤、特長三文魚壽司、 軟殼蟹牛油果手捲、蟹籽沙律同埋燒牛舌，全部都好好食！ 下次會再試！我自己鍾意嗰個雜錦壽司拼盤，因為可以試到唔同嘅壽司，當中北寄貝、甜蝦同埋三文魚都非常好食，食得出食材嘅甜味，好新鮮！自己本身麻麻牛舌，因為煮得唔好嘅餐廳，牛舌會一陣怪味... 不過呢一間就處理得好好，有好濃嘅牛味而且燒得好香口！ 至於個蟹子沙律就好大份，裏邊嘅蟹籽份量亦都好多，食完之後真係好清新！唯一美中不足嘅係唔知係咪嗰晚冷氣有問題，我哋坐嗰個位基本上係吹唔到冷氣，所以有啲熱... 不過侍應服務好好，有禮貌，keep住幫你斟茶同埋收碟，下次會再幫襯！