影片
更多
2018-08-01
60 浏览
同男友又黎到元朗開餐！近來計劃緊去日本旅行，搞到心癢癢，食返餐日本野先！入到店內，店面感覺比想像中大，座位舒適。店員係放低MENU之後，仲附上一小碟海草，初頭都不以為然，但食左第一啖之後，爽口到停唔到落黎，食到最後一啖先記得問男朋友試唔試下😂，佢笑笑口話，都食到最後一啖，你食埋佢啦😂😂😂。最後我地叫左6款野食，壽司、刺身同燒物都有！法國金蠔今次係我第一次食生蠔，男友細心地幫我用叉起生蠔，再加少少檸檬汁提鮮，我一啜就將成隻生蠔啜左入口，生蠔好滑，好新鮮（其實一睇個樣都見到好新鮮），口入面充滿蠔既鮮味同海水味，咬落就不得不用CREAMY去形容！帆立貝刺身粒粒都同我一樣，肥美啊！咬落去啖啖肉，帆立貝既鮮味濃！北海道黃金燒帶子呢個係新品推介MENU上既第一位，當然都要試下啦！燒帶子除左時間既掌握之外，醬料配搭都好重要，而逸之燒呢個就配搭得非常之好，醬料好味道之餘又唔會搶哂帶子本身既味道！加上火喉控制得宜，唔怪得之會放係第一位啦！雜錦刺身本身仲諗緊食邊款刺身好，見到有雜錦刺身二人前就即刻決定！總共有7款刺身，每一款我地都好滿意，而鮑魚係意外地好味（平日真係食太多擦子膠），大家睇相應該睇得出我地有
近來計劃緊去日本旅行，搞到心癢癢，
食返餐日本野先！
入到店內，店面感覺比想像中大，座位舒適。
店員係放低MENU之後，仲附上一小碟海草，初頭都不以為然，但食左第一啖之後，爽口到停唔到落黎，食到最後一啖先記得問男朋友試唔試下😂，佢笑笑口話，都食到最後一啖，你食埋佢啦😂😂😂。
最後我地叫左6款野食，壽司、刺身同燒物都有！
法國金蠔
今次係我第一次食生蠔，男友細心地幫我用叉起生蠔，再加少少檸檬汁提鮮，我一啜就將成隻生蠔啜左入口，生蠔好滑，好新鮮（其實一睇個樣都見到好新鮮），口入面充滿蠔既鮮味同海水味，咬落就不得不用CREAMY去形容！
帆立貝刺身
粒粒都同我一樣，肥美啊！
咬落去啖啖肉，帆立貝既鮮味濃！
北海道黃金燒帶子
呢個係新品推介MENU上既第一位，當然都要試下啦！燒帶子除左時間既掌握之外，醬料配搭都好重要，而逸之燒呢個就配搭得非常之好，醬料好味道之餘又唔會搶哂帶子本身既味道！加上火喉控制得宜，唔怪得之會放係第一位啦！
雜錦刺身
本身仲諗緊食邊款刺身好，見到有雜錦刺身二人前就即刻決定！
總共有7款刺身，每一款我地都好滿意，而鮑魚係意外地好味（平日真係食太多擦子膠），大家睇相應該睇得出我地有幾滿意🤤🤤🤤
黃花魚一夜干燒
點樣先可以做到燒魚係脆皮，但又唔會燒到乾哂架呢？男友細心地揀左啲少骨既部位俾我，佢就食啲多骨既位，估唔到燒魚都會有驚喜！
张贴
