譚仔三哥米線 (儲金閣)

营业中

休息中

今日有孖住老公一齊做嘢，老公話不如食譚仔啦，快靚正！跟住我又想食酸辣米線喎，一於去譚仔三哥啦！喺大陸都食過幾次呢類皮蛋，亦都食過幾間香港米線店舖嘅皮蛋。 發覺譚仔三哥嘅皮蛋係最好食，最夠味！三哥嘅皮蛋酸辣度啱啱好，食落口又夠麻！而係表面嘅剁椒、蒜頭都好香！雖然食咗會好口臭，但係我都忍唔住每食一塊皮蛋都夾好多配料一齊食！土匪雞翼都好香好入味，即叫即做，上枱嘅時候做熱辣辣！好香好好味由於之前幾次食，都係同亞女一齊食，所以就冇得食酸辣湯底。而食咗蕃茄湯底！今次終於有得食三哥酸辣湯底啦！今次我叫左10小辣 金菇腩肉酸辣米線有三大束金菇，六七塊腩肉。相比起係另一間（另一食評雲米家），譚仔三哥嘅酸辣米線稍為清淡，配料有芽菜韭菜腐皮榨菜，所以酸辣度稍遜，但亦因為如此，食落口冇咁肥膩。