紅茶冰室

营业中

休息中

今日已經係食左第3日既紅茶冰室了，因為香港真係冇咩其他冰室好食，所以真係食足3餐呀。紅茶冰室既是日午餐都算唔錯價錢都叫合理，只係HKD$67 - 70 就有一個LUNCH SET食啦。另外仲有燒味飯餐，據了解燒味飯唔係間間都有，一睇到餐牌見到有乳豬飯都已經好吸引好想食，佢仲有乳豬雙拼飯($80)，仲有再貴少少既乳豬燒鵝返($90)，不過真係實在貴左D，所以都係決定下次再諗食唔食乳豬飯啦。最終都係叫左個LUNCH SET，焗芝士火腿雞皇飯，芝士就夠燶既，亦都好拉芝唔錯。飯呢都係炒底。不過雞皇只係雞胸，冇乜味要扣分了。