韓閣 (富裕樓) (已結業)

個甜辣炸雞個醬好似泰式辣醬咁既果，同韓式炸雞真係兩回事，佢唔係韓國做法加埋炒，正上啲醬係會裹住個炸雞，呢間只係淋上去就算。呢個石鍋飯撈完勁濕又無乜味，一pat咁，個辣椒醬落落去個味無好啲，仲濕咗！呢個叫做最正常，但係啲紫菜好淋又係好韌，睇圖都見到泡菜豬肉芝士飯卷真係得一兩嚿有好少量嘅芝士，大家睇吓。極品來了，諗住嗌兩杯水，嘩好有心機呀係檸檬水，一飲苦過涼茶舖廿四味，佢啲檸檬可能真係浸咗幾日幾夜。傍晚嘅時間佢間鋪好暗好似冇開門咁樣，其實早一年都食過覺得幾好食，所以今次先返去食，點知質素差咗咁多，真係以後唔會再去！同埋佢嘅電子支付壞咗無一早講，要俾錢嘅時候拎張單出去先至知。