影片
更多
2013-06-08
89 浏览
同朋友喺德福睇完戲, 就去左Mega Box行左陣, 順便醫肚~~見到呢間小飛象, 即刻諗起多年前喺澳門食過嘅「小飛象」, 真係好好味架~~諗住呢間都應該唔錯啦, 點知.....唉....「賴」哂嘢~!入到去(當時已經係晚市), 呢間完全唔駛等位, 仲俾你任坐咁滯, 鍾意坐邊就坐邊~~~我哋揀左個靠窗嘅位置, 窗外嘅景色都真係唔坐架~~揀嘢食lu~~~佢今晚有set dinner, 亦有啲價錢比較貴嘅晚餐, 由於朋友鍾意食豬手, 而set dinner又冇豬手, 淨係喺啲貴價晚餐嗰度有豬手食, 所以我同佢今晚都「豪一豪」, 食啲貴少少嘅~~~通常晚餐都會有餐湯同包湯同包都冇乜特別, 如果連「最難整得唔好飲」嘅羅宋湯都唔好飲的話, 我真係諗唔到仲可以飲咩了...食得貴價晚餐當然會有頭盤啦~~頭盤有沙律, 雞翼同埋焗生蠔。沙律:好一般焗生蠔: 冇蠔味, 食得出係急凍系列, 如果多番少少煙肉碎會好啲...雞翼: 出奇地好食, 焗得好香, 入味, 賣相又唔錯, 直情想問佢有冇得淨叫一碟...(不過佢係全翼, 因為有好多人覺得食全翼好麻煩, 但我就冇乜所謂)主菜出場啦~~~!!1) 炸咸豬手朋友
同朋友喺德福睇完戲, 就去左Mega Box行左陣, 順便醫肚~~
見到呢間小飛象, 即刻諗起多年前喺澳門食過嘅「小飛象」, 真係好好味架~~
諗住呢間都應該唔錯啦, 點知.....
唉....「賴」哂嘢~!
入到去(當時已經係晚市), 呢間完全唔駛等位, 仲俾你任坐咁滯, 鍾意坐邊就坐邊~~~我哋揀左個靠窗嘅位置, 窗外嘅景色都真係唔坐架~~
揀嘢食lu~~~
佢今晚有set dinner, 亦有啲價錢比較貴嘅晚餐, 由於朋友鍾意食豬手, 而set dinner又冇豬手, 淨係喺啲貴價晚餐嗰度有豬手食, 所以我同佢今晚都「豪一豪」, 食啲貴少少嘅~~~通常晚餐都會有餐湯同包
湯同包都冇乜特別, 如果連「最難整得唔好飲」嘅羅宋湯都唔好飲的話, 我真係諗唔到仲可以飲咩了...食得貴價晚餐當然會有頭盤啦~~
頭盤有沙律, 雞翼同埋焗生蠔。沙律:好一般
焗生蠔: 冇蠔味, 食得出係急凍系列, 如果多番少少煙肉碎會好啲...
雞翼: 出奇地好食, 焗得好香, 入味, 賣相又唔錯, 直情想問佢有冇得淨叫一碟...
(不過佢係全翼, 因為有好多人覺得食全翼好麻煩, 但我就冇乜所謂)
主菜出場啦~~~!!
1) 炸咸豬手
朋友最愛嘅豬手黎啦~~~服務員姐姐好好, 上左碟之後, 走埋黎問我哋駛唔駛幫我哋切埋, 朋友當然有叫佢切埋啦~~當時我仲覺得, 呢度啲service都唔錯喎, 有專人走埋黎問黎駛唔駛切埋俾你...(感動中...)
之後就明點解了....
我對豬手興趣不大, 朋友都切左少少俾我試吓, 試完之後....
佢原隻豬手拎去炸, 炸到好乾....炸嘅外皮同啲已經甩開哂,
食落仲好「鞋」口....
雖然我食過嘅豬手唔多, 但正常嘅咸豬手, 無論外面炸到點樣, 入面都應該會有少少肉係嫩架嘛???
呢隻....「冇」!!!
入面啲肉都係好「鞋」...
2) 安格斯牛扒
咸豬手唔ok, 唔緊要, 有我呢份安格斯牛扒加番啲分, 點知....分數要跌至負數了~!
基本上, 呢碟嘢得啲「炸薯」係最好味架啫...
首先我要嘅係七成熟嘅牛扒, 正常切落唔應該係咁架嘛....(見下圖)
切落去旁邊係起哂絲, 証明我同件扒「拉鋸」左好多次至切到...見到咁, 心知不妙, 食吓先....
咬落去, 唔應該韌到....
好似食緊條橡筋咁....
簡直就係「訓練牙力」嘅「極品」~!
雖然係咁, 但都唔可以浪費,
我花左大概一個鐘同呢塊扒角力....
食到黏哂牙...
食到朋友都唔等我, 落左去攞車, 渣架車過黎, 我至完成任務....
呢間嘢, 真係NO NEXT Time~!
题外话/补充资料：
[i]我哋光顧嘅時候, 係平日嘅晚市時段, 出面完全唔駛等位, 入面仲大把位....
呢樣都仲未夠, 食豬手有服務員專人切埋俾你食,
我終於都明點解...
因為太少客會黎, 服務員都太得閒, 所以幫你切埋都冇所謂~~~
如果客似雲來, 仲會唔會咁好招呼呢??
仲會唔會唔駛等位, 任你坐邊都得呢??
p.s.希望呢間鋪真係可以改善吓食物嘅質素, 間鋪咁大, 位置又咁好, 望出去都有啲view架, 唔好浪費左個鋪位~~~[/i]
(以上食记乃用户个人意见 , 并不代表OpenRice之观点。)
张贴
