影片
更多
2010-04-08
22 浏览
5-4-2010上兩個星期去日本都無食吉列, 是日 dinner 喺朗豪坊無乜心水, 反而求其入了呢間食評麻麻的吉列豬專門店.先嚟煙肉芝士丸 ($28) share 食... 其實係乒乓形, 混了碎煙肉的吉列薯蓉球, 夠熱夠脆, 食落無油, 薯蓉香滑, 不過煙肉唔夠鹹香, 芝士味就完全食唔到, 可以更好的.主食揀了「吉列黑豚柳 + 廣島蠔定食」($148), 跟前菜, 「冷稻庭烏冬」(加 $10) 及味噌湯:-前菜係胡麻醬冷豆腐, 冰冰涼涼的豆腐夠滑溜, 胡麻醬酸酸甜甜又幾香芝麻味, 幾開胃的開始.先食吉列蠔, 炸皮有點厚, 不過炸得幾鬆脆又唔油, 蠔肉幾多汁, 味道唔算鮮濃, ,不過唔 in season 嚟講, 質素都算係咁了.再食吉列黑豚柳, 呢個炸皮較薄脆, 唔油, 不過都有點「甩皮」的情況出現; 豬肉質地硬淨, 食落幾硬, 亦有點太乾, 唔蘸醬汁 (見下文) 真係食唔到.檯上就供應 (1) 梅子 (?), (2) 青瓜及 (3) 蒜蓉 3 款醬汁... 最喜歡 (2), 賣相麻麻, 但實在好香青瓜味, 食落酸酸甜甜, 清新之餘感覺又無咁熱氣, 正 結果係倒了大量呢隻汁落
上兩個星期去日本都無食吉列, 是日 dinner 喺朗豪坊無乜心水, 反而求其入了呢間食評麻麻的吉列豬專門店.
先嚟煙肉芝士丸 ($28) share 食... 其實係乒乓形, 混了碎煙肉的吉列薯蓉球, 夠熱夠脆, 食落無油, 薯蓉香滑, 不過煙肉唔夠鹹香, 芝士味就完全食唔到, 可以更好的.
主食揀了「吉列黑豚柳 + 廣島蠔定食」($148), 跟前菜, 「冷稻庭烏冬」(加 $10) 及味噌湯:-
前菜係胡麻醬冷豆腐, 冰冰涼涼的豆腐夠滑溜, 胡麻醬酸酸甜甜又幾香芝麻味, 幾開胃的開始.
先食吉列蠔, 炸皮有點厚, 不過炸得幾鬆脆又唔油, 蠔肉幾多汁, 味道唔算鮮濃, ,不過唔 in season 嚟講, 質素都算係咁了.
再食吉列黑豚柳, 呢個炸皮較薄脆, 唔油, 不過都有點「甩皮」的情況出現; 豬肉質地硬淨, 食落幾硬, 亦有點太乾, 唔蘸醬汁 (見下文) 真係食唔到.
檯上就供應 (1) 梅子 (?), (2) 青瓜及 (3) 蒜蓉 3 款醬汁... 最喜歡 (2), 賣相麻麻, 但實在好香青瓜味, 食落酸酸甜甜, 清新之餘感覺又無咁熱氣, 正 結果係倒了大量呢隻汁落 d 生椰菜絲上當沙律食 自行磨芝麻後再灑落酸多過甜的 (1) 內, 蘸吉列同吃, 都幾好食; (3) 就夠晒香 garlic 味, 但食完個口勁臭, 還是 stick to 青瓜醬好了.
味噌湯落了點豬肉, 仲有大量蔬菜, 飲落清甜又帶點「住家」feel, 百分百簡單就是美
「冷稻庭烏冬」就係衰收尾之作... 「扮」稻庭烏冬都算, 最弊係佢質地太「粉口」, 似足 undercooked 的超市貨色 麵汁就似足 1 豉油比 49 水, 淡到呢 , 加了 wasabi 及蔥花都於事無補, 早知食白飯就算.
朋友食招牌「芝士吉列千層黑豚定食」($148), 跟前菜, 味噌湯及白飯:
試了一件「千層黑豚」... 點「千層」法無從考究, 不過肉質一定比我的黑豚柳嫩腍得多, 食落鬆化多汁, 幾好食喎; cheddar 芝士肉眼睇得見, 食落卻唔太夠味, 有點可惜.
又試了少少白飯, 幾飽滿黏韌, 米香亦比想像中濃, 又幾認真喎
食物 ok, 環境裝修亦幾「日式」, 卡位闊落好坐, 印象不錯的.
連加一每人 $185 埋單, 雖然唔算超級好食, 但絕對唔值咁多喊面 (不過呢度始終係旺角, 又唔係 e.g. 三文魚刺身專門店或「149 吃到飽」style 的放題店, 多喊面都唔出奇的), 而且喺旺角區實在難得, 可以一試的.
张贴
