牛丼家

营业中

休息中

而家連火鍋都有得食！天冷岩晒。牛魔王飯+炸雞+飲品 漢堡扒幾有肉汁，牛味幾香。最緊要係佢嘅柚子味醬汁非常好味，味道夠香濃，撈飯一流。炸雞啖啖肉唔油膩。特製牛肉壽喜燒鍋 壽喜燒鍋非常清甜，肥牛輕輕煮幾秒都非常嫩滑，油脂豐富。最緊要係嗰芝麻醬勁香濃，沾牛肉一流。蟹柳好香甜。仲有好多蔬菜、豆腐、金菇，索壽喜燒汁，非常好味，用嚟送飯一流。套餐包飲品，白桃汁，滿滿白桃味，少甜，夠清涼。今日帶阿女黎食，原來有學生優惠減$5 ，本身已經唔貴，而家更抵食！