影片
更多
2025-07-01
736 浏览
昨晚跟三個朋友食晚餐，有三件事情令到我哋覺得真係一個好差的體驗。(1)當我朋友舉手示意職員點菜，朋友話見到有一位戴眼鏡、年紀目測中年的男人同佢對望左，明明見到我朋友舉手示意點菜，但係嗰位職員扮見我哋唔到走咗。(2)然後喺我地進食途中，同一個男職員無啦啦走到我哋枱邊一張類似擺餸的枱整理放喺上面嘅餐牌，個男職員皺晒眉頭，個樣超級唔耐煩發出"吱"一聲，我唔係好明點解，點解客人食食下途中佢要無啦啦走過來我哋身邊整理擺喺枱上面的餐牌，餐牌又無阻住佢，又唔會阻住我哋，可能見我哋打開咗個餐牌佢唔高興，要過嚟疊返埋，所以要發出"吱"一聲。(3) 然後都係我哋進食途中，同一個男職員無啦啦走到我哋身邊枱邊，拎走晒所有餐牌然後背住我哋走咗，然後佢行咗四五步之後，揀完餐牌轉身望向我哋格，以掉銀仔掉彩虹方式將餐牌掉去我哋身邊的枱面，嚇到我朋友嚇一嚇，嗰下真係好想即刻投訴佢，好想叫店家睇返CCTV，睇返個男職員的行為，不過因為餐飯係諗住同朋友放工近近地食個生日飯，所以就唔諗住搞大件事了，我冇講錯，佢真係掉餐牌掉落嚟，態度極其差，唔知得罪咗佢啲咩。--總結：第一次用餐咁唔愉快，嬲到要喺OpenRice寫食評，要打咁
(1)當我朋友舉手示意職員點菜，朋友話見到有一位戴眼鏡、年紀目測中年的男人同佢對望左，明明見到我朋友舉手示意點菜，但係嗰位職員扮見我哋唔到走咗。
(2)然後喺我地進食途中，同一個男職員無啦啦走到我哋枱邊一張類似擺餸的枱整理放喺上面嘅餐牌，個男職員皺晒眉頭，個樣超級唔耐煩發出"吱"一聲，我唔係好明點解，點解客人食食下途中佢要無啦啦走過來我哋身邊整理擺喺枱上面的餐牌，餐牌又無阻住佢，又唔會阻住我哋，可能見我哋打開咗個餐牌佢唔高興，要過嚟疊返埋，所以要發出"吱"一聲。
(3) 然後都係我哋進食途中，同一個男職員無啦啦走到我哋身邊枱邊，拎走晒所有餐牌然後背住我哋走咗，然後佢行咗四五步之後，揀完餐牌轉身望向我哋格，以掉銀仔掉彩虹方式將餐牌掉去我哋身邊的枱面，嚇到我朋友嚇一嚇，嗰下真係好想即刻投訴佢，好想叫店家睇返CCTV，睇返個男職員的行為，不過因為餐飯係諗住同朋友放工近近地食個生日飯，所以就唔諗住搞大件事了，我冇講錯，佢真係掉餐牌掉落嚟，態度極其差，唔知得罪咗佢啲咩。
--總結：第一次用餐咁唔愉快，嬲到要喺OpenRice寫食評，要打咁大段嘢都係想俾大家知我地真係好嬲。
张贴