德美壽司

营业中

休息中

心血來潮想食日本嘢，因為真係好掛住日本嘅美食。跟住去IG 睇下d 美食家有冇好介紹，睇左幾個都話呢間唔錯，價錢合理，於是就去試下。上到去一望，星期一夜晚都座左8成客，應該都可以，跟住就座低叫嘢食。同朋友order左兩樣嘢，一個係壽司併盤，一個係什錦魚生飯。先講個壽司併盤，價錢$218，有10款左右，味道係唔錯，新鮮。另外一樣係什錦魚生飯，價錢$165，魚生，海膽，魚子都新鮮，魚子都算大粒，味道唔錯。另外仲有頭盤嘢沙律同麵士湯，同甜品送。兩個人黎講係夠食。最後，埋單都係4百幾，呢個價錢在尖沙咀食到新鮮嘅日本嘢都算抵食。唯一係要限時90分鐘。不過都算可以止下癮先。