影片
更多
2012-08-17
54 浏览
(小弟嗜食.愛試新o野.故常中伏.)...但此次中伏經歷, 前所未有. 必須共人分享.先講正面的係間食店留左1個小時左右. 令人感到安慰的, 係(1)食店有供應「牛奶樂」雪條. 呢枝雪條好好味. (2) 金菇牛肉卷都整得唔錯. 總算令我o係極有限的食物選擇裡頭搵到唯一o既依靠.不過,我o係間食店由食第一啖o野開始. 不斷地彈. 不斷地苦笑:去食得日本放題o既. 都一定會點刺身. 而我例必點三文魚同吞拿魚. 點左兩輪, 兩輪的質素都令我大為震驚 - (1) 完全冇味 (2)完全唔凍 (3)條三文魚生前一定係營養不良. 連最基本.幼幼o既白色肥紋都睇唔到. (4)吞拿魚在變壞邊緣. 十粒有九粒都係極腥. (第十粒係因為小弟點左好多wasabi先至食唔到腥味).另一焦點係佢地o既辣味三文魚軍艦壽司. 簡直係件傑作! 明顯食得出係用豆瓣醬撈埋o的三文魚粒處. 難食程度十分滿我會俾呢件傑作九點五分.再講一講佢用o係整軍艦同手卷o既紫菜. 係三隻字. 「淋bat-bat」. 但我係體諒o既. 大部分日本放題都俾唔出脆o既紫菜.花之戀. 亦都難食. 成件花之戀係好溫暖o既. 食落口係唔舒服o既. 佢
...但此次中伏經歷, 前所未有. 必須共人分享.
先講正面的:
o係間食店留左1個小時左右. 令人感到安慰的, 係(1)食店有供應「牛奶樂」雪條. 呢枝雪條好好味. (2) 金菇牛肉卷都整得唔錯. 總算令我o係極有限的食物選擇裡頭搵到唯一o既依靠.
不過,我o係間食店由食第一啖o野開始. 不斷地彈. 不斷地苦笑:
去食得日本放題o既. 都一定會點刺身. 而我例必點三文魚同吞拿魚. 點左兩輪, 兩輪的質素都令我大為震驚 - (1) 完全冇味 (2)完全唔凍 (3)條三文魚生前一定係營養不良. 連最基本.幼幼o既白色肥紋都睇唔到. (4)吞拿魚在變壞邊緣. 十粒有九粒都係極腥. (第十粒係因為小弟點左好多wasabi先至食唔到腥味).
另一焦點係佢地o既辣味三文魚軍艦壽司. 簡直係件傑作! 明顯食得出係用豆瓣醬撈埋o的三文魚粒處. 難食程度十分滿我會俾呢件傑作九點五分.
再講一講佢用o係整軍艦同手卷o既紫菜. 係三隻字. 「淋bat-bat」. 但我係體諒o既. 大部分日本放題都俾唔出脆o既紫菜.
花之戀. 亦都難食. 成件花之戀係好溫暖o既. 食落口係唔舒服o既. 佢o既size亦都好細. 賣相亦不討好. 成件係我食過最差o既花之戀.
小弟歡喜食牛. 所以熟食係點左金菇牛肉卷同一道蒜香牛粒. 金菇牛肉卷正如上面所講. 係okay的. 但蒜香牛粒又係另一敗北. 那是一客食到人牙較軟的牛粒.
(食後感多得不能盡錄. 打到呢個位. 怕且都要開始停喇)
總結呢間日本放題. 係用一個「劣」字.
我9點入座. 係最平o既人頭$148, 再加一. 但呢個價錢俾我o既係極少o既食物種類. 飲品選擇 (只有pepsi, 檸咪7up, 橙汁汽水, 提子味汽水.) 食物, 不論生或熟, 多數都令人中伏.
此前. 小弟認為日之食係全香港最差o既日本放題食店. 今日, 我想法變了. 此前, 小弟認為明將壽司食物的味道是獨有的. 今日, 我的想法也變了.
张贴