影片
更多
2016-02-24
1658 浏览
韓國癮起,自己想食豬手,友人想食部隊鍋,記得之前睇電視盧覓雪介紹過,就去呢間啦。我地2人安排到最邊邊位,枱好細張,枱與枱之間貼得好近,好密質質,6點去到未有太多食客,隔咗一陣人多咗,真係嘈到拆天,隔成四五張枱講嘢啲聲都好應,頭都痛死,越食越無癮,未食晒,未夠一個半小時頂唔住要埋單,因為樓底矮,又好密封,密雜,啲聲音散唔倒,仲要坐正係一個好大聲炫耀自己嘅男士身旁,連佢女伴都不斷叫佢細聲啲。餐廳環境:門口入口處分兩邊用餐區,一邊比較陰暗,另一邊較光亮,我們被安排到較光亮嗰邊,枱櫈全部都是木造,有一部份包座好似茅屋咁,好有濟州島風味。當點餐時手上的餐牌(好似本書咁厚,唔係一張膠片嗰種餐牌)找極都無部隊鍋,好肯定盧覓雪係食過介紹過,仲講到點好味,跟住同待應講,待應揭咗一輪都搵唔倒,跟住攞咗一本餐牌過嚟,真係有部隊鍋,真係奇怪餐牌都有錯。豬手先到,跟住到部隊鍋,張枱細到呢兩樣嘢都放唔落,係咁迫,係咁遷就,索性有啲嘢要先攞開。豬手外表好有光澤,好似好嫩,但其實好乾身,好似切開咗好耐,擺耐咗嗰種質感,豬手微微略帶一啲炆煮豬手嘅醬汁味,配上三款醬汁及生菜一起食係可以接受,其中有款韓式麵豉醬過鹹,完全蓋
我地2人安排到最邊邊位,枱好細張,枱與枱之間貼得好近,好密質質,6點去到未有太多食客,隔咗一陣人多咗,真係嘈到拆天,隔成四五張枱講嘢啲聲都好應,頭都痛死,越食越無癮,未食晒,未夠一個半小時頂唔住要埋單,因為樓底矮,又好密封,密雜,啲聲音散唔倒,仲要坐正係一個好大聲炫耀自己嘅男士身旁,連佢女伴都不斷叫佢細聲啲。
餐廳環境:門口入口處分兩邊用餐區,一邊比較陰暗,另一邊較光亮,我們被安排到較光亮嗰邊,枱櫈全部都是木造,有一部份包座好似茅屋咁,好有濟州島風味。
當點餐時手上的餐牌(好似本書咁厚,唔係一張膠片嗰種餐牌)找極都無部隊鍋,好肯定盧覓雪係食過介紹過,仲講到點好味,跟住同待應講,待應揭咗一輪都搵唔倒,跟住攞咗一本餐牌過嚟,真係有部隊鍋,真係奇怪餐牌都有錯。
豬手先到,跟住到部隊鍋,張枱細到呢兩樣嘢都放唔落,係咁迫,係咁遷就,索性有啲嘢要先攞開。
豬手外表好有光澤,好似好嫩,但其實好乾身,好似切開咗好耐,擺耐咗嗰種質感,豬手微微略帶一啲炆煮豬手嘅醬汁味,配上三款醬汁及生菜一起食係可以接受,其中有款韓式麵豉醬過鹹,完全蓋晒所有味道,只有鹹味,食食下索性唔可以再點任何醬,因為好鹹同食唔倒豬手味道,如果無係韓國食過豬手,真係比佢欺騙咗。
部隊鍋-味道無層次,無驚喜,唔覺得好食奇奇怪怪連通心粉都有,淨係知呢個部隊鍋放咗好多雞尾腸。
題外話:好多韓國餐廳都會有韓國待應進駐,佢地無咩問題,笑笑口,好開心咁,好客氣,但唔知點解呢到有個本地人-女待應,由帶位到埋單,甚至打電嚟訂枱,佢都保持住一股好無禮貌嘅態度,作風,語氣。
豬手
39 浏览
0 赞好
0 留言
部隊鍋
36 浏览
0 赞好
0 留言
张贴
