甜藝家 (已結業)

上次食過TONY WONG D曲奇覺得超正，新年要諗送禮俾長輩即刻諗起要去呢度買~睇食評見到蝴蝶酥都好多人讚，於是就買左一盒~個盒勁靚勁得體!再買多一包紅莓曲奇拜年大家一齊食!店入面仲有好多其他餅同甜點~勁想全部都買哂番去~買完第2日就新年拎左去送俾媽咪~佢收到勁開心!話個盒好靚仲可能重用~我地一打開個盒蓋已經聞到超重牛油味，每一塊蝴蝶酥大小相同，色澤均勻，係好完整既心形~唔會碎濕濕~拎一塊咬落去真係超鬆化~表面砂糖鋪得均勻，甜度足夠味道又唔會太搶~超好味!食到一塊接一塊，完全停唔到口!開埋紅莓曲奇出黎大家又係一窩蜂係咁搶~曲奇既牛油味冇蝴蝶酥咁強，每塊一口SIZE，而且有紅莓乾係入面非常有咬口，酸酸甜甜好好味!好食到屋企人叫我話我點解唔買一盒裝，話得一包好快食哂!