甜藝家 (已結業)

不經不覺大帝K1畢業，開始放暑假了，上星期五係最後一日番學，預先去左甜藝家買左幾盒蛋卷，蝴蝶酥等請老師同同學仔食。幾年前生左大帝辭左職，當日又係專程去九龍城買Tony Wong既西餅做散水餅，今次就去左K11買蛋卷，蝴蝶酥，玫瑰酥做k1畢業餅每款都有預多，帶左番屋企同先生，大帝分享，大帝見派俾同學仔時已經眼甘甘想食朱古力雪茄蛋卷，蛋卷鬆化，頭尾都有少許朱古力慕絲同爆炸糖，設計特別，朱古力香濃唔好太甜。玫瑰酥好香脆，濃郁牛油香味蝴蝶酥鬆脆好味，有款加左朱古力同花型脆糖，口感好好。每款盒設計都好有質感，送禮自用都一流，仲見到有禮物籃，送俾客一流，之前過時過節時幫先生送禮物籃俾客諗到頭爆，又驚唔好食得物無所用，依家Tony Wong出埋禮物籃正，好食又好睇。2位店員姐姐都好nice, 會提醒到期日，放室溫就ok。