影片
更多
2010-04-03
11 浏览
大角咀近年有好多口碑唔錯嘅食肆，而在OP網長期勁多哈哈笑嘅金船長餐廳，今日第一次去試，相信亦係最後一次。或者以前呢間餐廳可能真係好食嘅，但我絕對唔會認同係...因為同預計之中相差實在太遠，尤其係果個好評如潮嘅心太軟，我未試過食完一啖之後，就求之不得想佢馬上喺我面前消失...未食個餐之前，先黎一個金船長小食拼盤($70)，拼盤有焗青口，炸魷魚圈，炸金菰菜同埋蜜糖雞件。焗青口唔熱，炸魷魚圈可以練牙力，炸金菰菜食落去都幾得意，而蜜糖雞件有驚喜，肉夠嫩口而且蜜味十足，幾好食...餐湯係大蒜薯仔湯，又比想像中好味喎！啖啖都感覺到香濃薯仔味，蒜味亦剛好唔太搶，幾好飲...呢個餐湯等我以為係一個好開始...是日晚餐SET嘅紐西蘭西冷牛扒($128)，要6成熟同埋黑椒汁。黑椒汁無乜問題，問題在於塊牛扒本身，烤得太熟喇，成舊實到爆，而且黑椒汁偏鹹，感覺真係同椰林閣食扒無乜分別...本以為SET DINNER貨仔係咁上下，呢個餐牌上有船長推介嘅美國肉眼牛扒 (8oz, $208)，7成熟配蒜蓉汁，同樣都係有overcook問題，而且食落去肉味欠奉，味道亦係麻麻地，如果作為推介的話真係完全失敗...另一個船
未食個餐之前，先黎一個金船長小食拼盤($70)，拼盤有焗青口，炸魷魚圈，炸金菰菜同埋蜜糖雞件。焗青口唔熱，炸魷魚圈可以練牙力，炸金菰菜食落去都幾得意，而蜜糖雞件有驚喜，肉夠嫩口而且蜜味十足，幾好食...
餐湯係大蒜薯仔湯，又比想像中好味喎！啖啖都感覺到香濃薯仔味，蒜味亦剛好唔太搶，幾好飲...呢個餐湯等我以為係一個好開始...
是日晚餐SET嘅紐西蘭西冷牛扒($128)，要6成熟同埋黑椒汁。黑椒汁無乜問題，問題在於塊牛扒本身，烤得太熟喇，成舊實到爆，而且黑椒汁偏鹹，感覺真係同椰林閣食扒無乜分別...
本以為SET DINNER貨仔係咁上下，呢個餐牌上有船長推介嘅美國肉眼牛扒 (8oz, $208)，7成熟配蒜蓉汁，同樣都係有overcook問題，而且食落去肉味欠奉，味道亦係麻麻地，如果作為推介的話真係完全失敗...
另一個船長推介嘅係美國牛肋扒(8oz, $148)，要6成熟同埋什菌汁，比之前兩份牛扒仲要差，不單止烤得過火，而且仲有好勁牛羶味，成塊Dr. Martens鞋底咁硬，真係唔知點食，仲要隻什菌汁有少少苦澀味，唉～～諗諗下真係食花園餐廳仲好過佢....
心太軟朱古力布丁(跟餐+$30) - 諗住食返個甜品會開心啲，點知真係仲衰...送上時心已沉，點解咁細咁扁？破開佢之後朱古力漿慢慢流出，以為有轉機，點知大家食落口真係你眼望我眼，唔想再食第二啖，布丁雖然同其他食店嘅有唔同，但絕對唔係討好果隻，真係仲衰過甜之迷心太軟...唉～放棄！
金船長餐廳出名嘅百搭車仔意粉亦叫左俾小朋友食，唔可以叫差，但真係唔值得專登黎食，賣相...見到相都唔想影。其實要自己配搭食意粉的話，去意蠔屋一定好得多。或者仲有黑松露芝士夾心比薩同埋牛肉漢堡我未試，但今晚已有３樣點名推介菜式都係失望而回，唔想再打撃多一次。加上呢度坐得唔太舒服，如果再到大角咀食西菜，隔離街的意味肯定更好...
张贴
