御家迴轉壽司 (已結業)

上星期long weekend，男友行完街之後話想食日本野，於是就去左御家旺角店。之前我地去開銅鑼灣店的，而且都覺得唔錯......而御家係連鎖式經營，應該分別唔大既~入到去坐低左就要我地叫前菜($12)。其實我都唔係好明佢個policy的目的係為左d咩。個個入到去都係想食刺身同壽司，想叫小食都會自己叫，但又唔係個個都想叫小食。前菜選擇好少，好似supermarket的壽司corner咁hea~我寧願佢set min. charge好過，真係會令客人有畀人明屈的感覺(雖然$12唔係多...)。食物加價了。不過而家呢個市道，都係正常既。我食開的大大大帶子由$30/件加到$35/件了~迴轉帶上面的刺身同壽司都好少，令到個場好似冇咩氣氛咁，仲要下下叫waiter落單，有d麻煩。款式冇咩多到，好似有一兩款新野，但係唔太特別囉~味道同素質都保持到既，打個和啦~但綜合以上咁多樣，整體的評分就退步左了~ 雖然之前冇去過旺角店，但我相信連瑣式經營下的價錢、management/policy都應該係一樣的，呢個都應該係一個fair comment黎既。