影片
更多
2018-09-26
64 浏览
今次已經唔係我第一次食，對上一次食已經係好耐好耐之前，一路都忘記唔到佢嘅味道。一路都好想揾機會再食，但次次食完飯都已經好飽，經過左咁多次都冇入到去食。所以今次同朋友就的起心肝，特登dinner唔好食咁飽，之後再黎呢度下場～記得上次黎我地都排隊排左一段時間。今次我地9點頭去到竟然岩岩好唔駛排隊，用左最後一張二人枱～之後都keep住有人come and go，雖然都唔需要排隊，但都差唔多坐滿晒，證明佢都仲係有唔少捧場客！要留肚嘅原因梗係為左要叫呢個卷蛋啦！上次食完之後我最掛住嘅就係呢個卷蛋，因為佢嘅抹茶味真係我意想不到咁香濃，中間嘅cream超級滑，一個卷蛋可以整到咁好食都真係唔容易！雖然甜品係有第二個胃，但卷蛋始終比較飽肚。不過今次令到我有少少失望，因為佢冇我上次食嘅時候咁重抹茶味，出起市面上可以買到嘅抹茶卷蛋佢仍然係出色好多，抹茶味都香濃好多，但同以前嘅佢比較就真係退步左。希望我下次黎再食嘅時候佢可以回復返去之前嘅水準。另外就叫左個蕨餅抹茶雪糕。抹茶雪糕同我印象中一樣咁出色，我個人比較鐘意D帶有回甘嘅抹茶製品，呢度就好符合我嘅心意，佢嘅回甘程度唔算好大，所以怕苦嘅人都一樣可以接受到。雪
記得上次黎我地都排隊排左一段時間。今次我地9點頭去到竟然岩岩好唔駛排隊，用左最後一張二人枱～之後都keep住有人come and go，雖然都唔需要排隊，但都差唔多坐滿晒，證明佢都仲係有唔少捧場客！
要留肚嘅原因梗係為左要叫呢個卷蛋啦！上次食完之後我最掛住嘅就係呢個卷蛋，因為佢嘅抹茶味真係我意想不到咁香濃，中間嘅cream超級滑，一個卷蛋可以整到咁好食都真係唔容易！雖然甜品係有第二個胃，但卷蛋始終比較飽肚。不過今次令到我有少少失望，因為佢冇我上次食嘅時候咁重抹茶味，出起市面上可以買到嘅抹茶卷蛋佢仍然係出色好多，抹茶味都香濃好多，但同以前嘅佢比較就真係退步左。希望我下次黎再食嘅時候佢可以回復返去之前嘅水準。
另外就叫左個蕨餅抹茶雪糕。抹茶雪糕同我印象中一樣咁出色，我個人比較鐘意D帶有回甘嘅抹茶製品，呢度就好符合我嘅心意，佢嘅回甘程度唔算好大，所以怕苦嘅人都一樣可以接受到。雪糕好滑，又唔算好快溶，所以慢慢食都仲ok~紅豆好甜，份量適中可以配合到雪糕嘅份量。蕨餅有兩塊，同朋友一人一塊share 岩晒。作為煙韌控嘅我覺得個蕨餅係average, 唔算太差但唔算太煙韌，口感有少少粉。有待改進～
食完之後我地仲坐係度傾左好耐計先走，店員都冇黎趕我地。野食質素唔錯又可以慢慢坐，不失為一個好地方！
张贴
