達磨日式拉麵 (已結業)

每次過銅鑼灣，就諗起食拉麵，一直以嚟覺得達磨拉麵好好食，但今次再食，就退步咗。唔知係咪轉咗師傳，拉麵湯底已經失去咗一直以嚟複雜嘅味道，飲落去個湯味道好寡，就好似味精湯咁，得個鹹字。結果，一直唔加任何調味嘅我同另一半都忍唔住，加D生蒜、七味粉、黑椒同芝麻碎落去，令湯底味道無咁寡。同時，侍應都好似轉咗人，服務無以前咁親切同熱心，自己會自動自覺加水，而家侍應就好冷淡，入到去面口有少少似阻住佢收工咁(我哋九點幾去食)，水要出聲先會加俾你。