初心 (已結業)

早兩日約左個客人係灣仔見客。見完客肚仔餓，所以就唸住去搵飯食。我唔太熟識港島既路，好似愈行愈遠，離開左主流既街道，迷失左係灣仔咁。點知俾我遇到一間世外桃園既日本餐廳叫初心燒肉。 餐廳內內裏裝修好有日本feel，有師傅親自上場幫你地燒。但我地就上左閣樓，環境更覺清優。我地睇左個menu就叫左岩鹽燒熊本黑毛豬丼(HKD$188)同埋純血和牛大盛 (HKD$238)。係等食物黎既時候，我地飲緊佢餐廳自製既荔枝茶。味道幾特別同清淡。個黑毛豬同和牛味道唔錯，又稔唔韌，口感唔錯。日本飯又整得幾有日本風味。