天泰泰式海南雞外賣專門店 (已結業)

仍然係農曆新年嘅日子， 今次陪長輩入去天水圍探親戚， 數下手指我都有十年冇入過嚟， 跟住家姐坐西鐵再轉輕鐵,一個鐘頭到就由紅磡入到天水圍嘅新北江商場,都叫做車接車好方便。啱啱到咗下午茶時間， 趕住入嚟都未食飯， 行下行下見到呢間泰國嘢， 諗住泰國嘢多數ok嘅心態就坐低。理論上我哋都係喺舖頭對面嘅走廊坐， 所以就係坐摺枱同埋膠櫈， 對小店嘅要求一啲都唔高。我哋叫咗個迷你海南雞飯, 我覺得個份量啱啱好, 一碗飯到上面放幾嚿雞, 適合鍾意掃街嘅我, 唔好以為佢細細碟就冇料到, 佢啲雞都好滑 啲飯都好香, 所以我都高度評價 。 其實佢嘅冬瓜湯, 味道都唔錯, 仲畀埋隻雞腳你添, 唯一嘅敗筆係隻雞腳有好多雞爪, 我嘅意思係未剪手甲, 就唔敢食啦 。