星巴克咖啡 (已結業)

小妹係咖啡迷 特別喜歡飲星爸爸嘅Java Chip 即係朱古力碎嘅朱古力咖啡沙冰其實好多地方都有都有沙冰 有朱古力沙冰 mocha沙冰等等 加朱古力碎嘅都有... 但Java Chip完全係星爸爸嘅獨門美味之作！飲過沙冰嘅朋友都知 當啲冰開始溶 杯「冰」就會慢慢變回一杯水汪汪的普通凍飲 甚至味道變淡 而飲Java Chip卻可以減低呢個可能性 因為朱古力碎係連同冰塊放入機一齊攪instead of直接灑喺面頭 當冰粒開始溶化 分佈得十分勻循嘅朱古力碎仍然可以幫你留住咬冰粒嘅爽脆口感 飲品亦唔會因為冰粒溶化成水而變淡 香濃嘅朱古力味得以保存順帶一提 愛甜嘅朋友可以請店員幫你加多啲朱古力碎 怕飲完瞓唔著嘅話 亦可以要求decaf 即係用低因咖啡 仲唔洗另外加錢添！