京林屋 (明宮閣) (已結業)

係太古睇戲之前黎到京林屋搵食～呢排係咁係youtube睇一d日式輕食，擺盤靚之餘，全部細細粒好得意，搞到勁想食。比我見到京林屋都有類似既野，就吸引左我入黎食。林屋和食料理 $88一上菜，心入面大叫左句～係我想要既野啊！全部細細粒，擺得又幾靚。和食料理入面都有幾多種類既野食：（左上）照燒雞粒、木耳？玉子卷、（右上）魷魚沙律（左下）魚乾、元貝、芝士魚糕（右下）鯖魚全部都好送飯！味道都唔錯，當中我覺得最特別係個魷魚沙律！有d蟹子係入面口感好豐富。