影片
更多
2009-02-17
13 浏览
標題五個字，一次過出齊晒，對唔住，我自己都覺得好殘忍。話說當日就係大學同學聚會既日子，七個人一齊食一餐。一入門口，好焗，真係出面街都涼過佢，基本上七個人一入門口，除左放低個袋，就係即刻除外套。可能客人又多，大家要搵地方擺外套同袋都唔容易，我仲要全程攬住個袋黎食。貴，咁就視乎要左 D 乜，不過一百蚊一底海膽，仲要唔鮮味，又差唔多九十蚊一碟油甘魚刺身，真係貴得好緊要。至於味道，整體黎講都係中下貨色，甚至係差，尤其是我係劍魚迷，塊劍魚無魚味，好在我無花多九十蚊叫多碟刺身，否則真係要拮大脾。一陣下面再講。慢，加水又慢，上菜又慢，落單又慢，埋單都慢，仲要差 D 落錯單黎錯野食，真係麻麻地。而家再講下食左咩先：1. 海膽軍艦：紫菜唔脆，海膽唔鮮，不過兩件收你 $48，人地元氣都係 $26 咋，好食好多呀！2. 三文魚壽司、三文魚刺身：唔算肥美，中等貨色3. 劍魚壽司：無魚味，又貴，差到不得了！4. 鰻魚壽司：呢兩件似樣 D，味道都 OK5. 花之戀：唯一一款，一口擺晒入口，令我滿心滿足既壽司6. 香蕉牛肉燒：朋友食落覺得「幾得意」，不過唔好意思，我覺得味道好怪7. 炸蝦卷、軟腳蟹卷：睇落幾得意，食
對唔住，我自己都覺得好殘忍。
話說當日就係大學同學聚會既日子，
七個人一齊食一餐。
一入門口，好焗，真係出面街都涼過佢，
基本上七個人一入門口，
除左放低個袋，就係即刻除外套。
可能客人又多，大家要搵地方擺外套同袋都唔容易，
我仲要全程攬住個袋黎食。
貴，咁就視乎要左 D 乜，
不過一百蚊一底海膽，仲要唔鮮味，
又差唔多九十蚊一碟油甘魚刺身，
真係貴得好緊要。
至於味道，整體黎講都係中下貨色，甚至係差，
尤其是我係劍魚迷，塊劍魚無魚味，
好在我無花多九十蚊叫多碟刺身，
否則真係要拮大脾。
一陣下面再講。
慢，加水又慢，上菜又慢，落單又慢，埋單都慢，
仲要差 D 落錯單黎錯野食，真係麻麻地。
而家再講下食左咩先：
1. 海膽軍艦：
紫菜唔脆，海膽唔鮮，不過兩件收你 $48，
人地元氣都係 $26 咋，好食好多呀！
2. 三文魚壽司、三文魚刺身：
唔算肥美，中等貨色
3. 劍魚壽司：
無魚味，又貴，差到不得了！
4. 鰻魚壽司：
呢兩件似樣 D，味道都 OK
5. 花之戀：
唯一一款，一口擺晒入口，令我滿心滿足既壽司
6. 香蕉牛肉燒：
朋友食落覺得「幾得意」，
不過唔好意思，我覺得味道好怪
7. 炸蝦卷、軟腳蟹卷：
睇落幾得意，食落一般
8. 油甘魚刺身：
差唔多九十蚊，但係好多朋友食完都變晒面
9. 腐皮壽司：
吉之島廿蚊四件都好食過佢
其他叫左既食物仲包括赤蝦壽司、
三文魚籽軍艦、加州卷、炸蠔、炸番薯，
不過無食到，所以都唔多加鹽加醋喇！
全餐夾埋 $740 左右，平均每人約 $105。
张贴
