影片
更多
2008-09-20
42 浏览
勁遲「收工」, 朋友們話要同我補祝生日, lunch 由我話事去食小籠包 附近只有呢度好坐一點, 加上印象中食過一次將軍澳店 (見 http://www.openrice.com/restaurant/commentdetail.htm?commentid=81544) 覺得不錯, 一行 5 人又0黎試試山道呢間. 叫了好多0野食的午市 4 人套餐 share, 可自選兩碟冷盤, 3 款點心類, 一款麵食類, 一款湯類及一款甜品, 仲有必選的「清炒時菜」一碟:- 鎮江肴肉: 鮮味 ok, 淅醋幾香又夠味, 不錯.- 雞絲粉皮: 少雞絲多(0鞋身)粉皮, 仲有切得幼細的爽口青瓜, 落的唔係麻醬而係杰杰的花生醬, 朋友 R 話帶點食早餐 feel, 哈哈... 花生味好濃, 不過感覺真係怪怪0地.- 小籠包: 雖然肉餡鮮味一般, 但十分熱辣, 湯汁夠多, 皮厚度剛好, 呢個不錯.- 三鮮鍋貼: 大家都好想知係邊「三鮮」, 不過我只食到餡料係一般新鮮的京蔥及豬肉... 底部十分(火農), 層皮厚得不能接受, 又硬又實, 呢個唔掂!- 北京水餃: 呢個食0左都唔記得...-
- 鎮江肴肉: 鮮味 ok, 淅醋幾香又夠味, 不錯.
- 雞絲粉皮: 少雞絲多(0鞋身)粉皮, 仲有切得幼細的爽口青瓜, 落的唔係麻醬而係杰杰的花生醬, 朋友 R 話帶點食早餐 feel, 哈哈... 花生味好濃, 不過感覺真係怪怪0地.
- 小籠包: 雖然肉餡鮮味一般, 但十分熱辣, 湯汁夠多, 皮厚度剛好, 呢個不錯.
- 三鮮鍋貼: 大家都好想知係邊「三鮮」, 不過我只食到餡料係一般新鮮的京蔥及豬肉... 底部十分(火農), 層皮厚得不能接受, 又硬又實, 呢個唔掂!
- 北京水餃: 呢個食0左都唔記得...
- 上海炒年糕: 大家異口同聲話佢好淡口, 「一定係唔記得落調味」, d 年糕十分腍 bad bad, 應該係年糕本身質地差云云, 我絕對同意; 配料係「粗炒」0野, 油溼溼, 無喱鑊氣又無喱味道, 唔好食.
- 砂鍋雲吞雞: 全餐最好食的, 雞湯熱辣辣, 味道濃甜, 雲吞幾鮮味, 我好唔客氣咁添飲了兩碗!
- 擂沙湯圓: 層皮好煙韌, 麻蓉餡好流沙, 可惜甜而不香; 黃豆粉就有等於無, 都唔「黐」0既!
仲有散叫的豆沙鍋餅, 不過呢個幾唔掂 -- 賣相樣衰, 雖然炸得脆, 但實在粉多過乜, 加上豆沙餡極少, 唔食好過食.
卡位幾好坐, 環境幾「豪裝」feel, 衛生就麻麻了, 碗碗碟碟有污漬之餘, 仲有小昆蟲飛來飛去, 感覺麻麻; 招呼一般.
埋單每人約 $85, 唔算好貴又唔算好差, 不過一定唔係好, 應該無下次了.
P.S. 今日無帶相機, 有機會 (??) 再分享過啦.
张贴