龍百味小廚

营业中

休息中

見最近咁多人講呢間龍百味，是晚便來試試。小店人氣滿滿喎，全店滿座之餘，仲唔少人排隊揀緊餸添。熟餸選擇相當多，一時間真係唔知點咩好，最後揀左五樣野，一家三口應該差不多啦，價錢$26~$48一份，堂食$5白飯任裝，豐斂由人😆⭐鹹蛋蒸肉餅一打開發覺無豉油，試下味又ok喎，鹹蛋已有鹹味唔使額外再加豉油了，肉餅厚身份量足。⭐枝竹蘿蔔炆牛筋腩炆得好入味，蘿蔔鮮甜，牛筋腩軟腍，好食！⭐菜心炒牛肉牛肉唔韌同無乜鬆肉粉味喎，有驚喜！菜心爽甜。⭐四季豆炒臘味呢樣勁好食🤤鹹鹹辣辣好惹味，好食到汁都撈埋。⭐豉汁蒸黃花魚最後仲點左蒸魚，開頭見有黑色一塊塊以為係欖角，原來係雲耳，哈哈。魚肉好滑，蒸得啱啱好唔老身，正。熟餸係幾好食，唔怪之得咁多人嘅。