影片
港铁尖沙咀/尖东站 B2 出口, 步行约3分钟
继续阅读
电话号码
65960003
营业时间
今日营业
11:00 - 21:00
星期一至日
11:00 - 21:00
公众假期
11:00 - 21:00
公众假期前夕
11:00 - 21:00
以上资料只供参考，请与餐厅确认详情
尖沙咀都有平民高质小菜，龙百味小厨位于金马伦道，中式小菜选择超多，猪鸡牛海鲜、菜类豆类、蒸炒炸炆样样有，总有几款岩口味，每款𩠌都系廿几蚊，平靓正！菠萝咕噜肉系招牌菜，咕噜肉制作步骤繁复，出街食就最岩，咕噜肉质嫩，肥瘦比例刚好，没有好厚粉炸，仲有埋三色椒同鲜菠萝，酸酸甜甜好开胃，每款小菜都装到满泻，毫不吝啬！椒盐猪扒香喷喷，份量十足，炒得好有获气，椒盐好入味，好惹味！咁高质难怪咁高人气咁多人黎开饭！莲藕回锅肉最钟意食依道菜，因为麻麻辣辣好惹味，莲藕＆回锅肉炒到入晒味，食落唔会过份油腻，系愈食愈有食欲！堂食$5白饭任装，绝对饱肚，高质又性价比高！银芽炒鸡蛋简简单单一道小菜，都能够有获气系有一定真功夫，食到停唔到！
继续阅读
返工一族放工鬼咁夜返到屋企就更加夜，行经尖沙咀金马伦道见到间平民嘅小菜小炒店，平平地$20起就有个𩠌，外卖堂食都得。餐厅人流都几旺，灯光够光猛又干净。小菜全部隔住玻璃见到可以慢慢拣，最夸张系堂食几蚊嘅白饭食完仲可以任装。今次两个人叫左几多𩠌黎食，咕噜肉,椒盐猪扒,鱼柳茄子,麻辣鸭血,三色肉碎蒸蛋，另外仲嗌左碗老火汤饮，今日个汤系粟米南瓜栗子猪骨汤，几足料几好饮。咁多个𩠌最深刻嘅系麻辣鸭血，因为通常都要打边炉或者去小炒店先食到，而且个味煮得真系几香，又麻又辣特别开胃。
继续阅读
外卖5𩠌返屋企食，平靓正又有惊喜，呢间店每款𩠌都系廿几蚊，仲有十几款简，岩晒想偷懒唔煮饭既人✅凤梨咕噜肉呢个咕噜肉系典型嘅港式风味，外卖盒一打开就闻到阵酸甜香味，好有食欲！咕噜肉嘅皮炸得脆香，但带外卖返屋企有少少回软，唔算最脆𠮶只，但肉质够嫩，肥瘦比例啱啱好，唔会有𠮶啲油腻腻嘅感觉。凤梨酸甜味十足，系𠮶种新鲜果甜，唔系假假𠮶啲糖水味，加埋青红椒，成个𩠌食落去好开胃✅陈年黑醋一字骨呢个真系外卖入面嘅惊喜之一！一字骨炆得好入味，肉质嫩滑但唔会炆到散晒𠮶种，啱啱好仲保持住啲肉感。黑醋酱汁系重点，酸度唔会过高，带少少甜味同浓浓嘅香醋味，食落去系一种几温和嘅酸甜口感，唔会刺激到好腻。仲带少少陈醋嘅果香，几有层次感✅马来咖喱薯仔牛腩咖喱味一开盒就好抢眼，系带住南洋咖喱香料𠮶种浓郁，唔系净系辣味𠮶只，而系有香茅同椰奶嘅微微甜香，劲有层次。牛腩炆得够腍，啲筋位软糯又唔会散，牛味保留得好好。薯仔吸晒咖喱汁，食落去粉粉嘅，仲有少少咖喱酱嘅微辣喺口腔打转，好warm𠮶种感觉。呢个𩠌会好啱配饭，咖喱同白饭系天生一对。如果钟意辣啲可以再加辣，但我觉得而家咁样啱啱好。✅蒜香西兰花炒鸡柳西兰花够鲜嫩，炒得仲保持住啲翠绿色，唔会过腍，咬落去有啲爽口嘅感觉。鸡柳切得薄薄地，偏瘦但唔干，带少少蒜香味，味道比较清淡，唔会太浓味✅蒸鲩鱼鲩鱼蒸得几靓，啲肉嫩滑冇腥味，睇得出新鲜。酱油系偏清甜𠮶种，带少少姜葱嘅香气，味道唔会霸住鱼本身嘅鲜味，反而更加衬托到鱼肉嘅质感。不过，由于鲩鱼本身有骨，所以食嘅时候要小心啲
继续阅读
见最近咁多人讲呢间龙百味，是晚便来试试。小店人气满满㖞，全店满座之余，仲唔少人排队拣紧𩠌添。熟𩠌选择相当多，一时间真系唔知点咩好，最后拣左五样野，一家三口应该差不多啦，价钱$26~$48一份，堂食$5白饭任装，丰敛由人😆⭐咸蛋蒸肉饼一打开发觉无豉油，试下味又ok㖞，咸蛋已有咸味唔使额外再加豉油了，肉饼厚身份量足。⭐枝竹萝卜炆牛筋腩炆得好入味，萝卜鲜甜，牛筋腩软腍，好食！⭐菜心炒牛肉牛肉唔韧同无乜松肉粉味㖞，有惊喜！菜心爽甜。⭐四季豆炒腊味呢样劲好食🤤咸咸辣辣好惹味，好食到汁都捞埋。⭐豉汁蒸黄花鱼最后仲点左蒸鱼，开头见有黑色一块块以为系榄角，原来系云耳，哈哈。鱼肉好滑，蒸得啱啱好唔老身，正。熟𩠌系几好食，唔怪之得咁多人嘅。
继续阅读
尖沙咀一向物价偏高，而位于大街的龙百味小厨简直是平靓正，中式主菜选择超多，有肉、有鱼、有菜、有海鲜，蒸炸炒炆都有，价钱低至$18，好抵食！呢晚收工太夜，打包了5款小菜回家同屋企人分享。饭和汤都系仼食仼饮，绝对饱肚。每款小菜都装得满满，毫不客气，高质又性价比高，难怪keep住都有人潮！椒盐猪扒份量好足，猪扒大块厚肉，炒得好有获气，椒盐好入味，好惹味！咕噜肉咕噜肉系我最钟意嘅中式小炒，平时喺屋企自己煮唔到，所以出街必点！呢度嘅咕噜肉都系啖啖肉，真材实料，唔会话大大旧粉，仲有埋三色椒同菠萝，酸酸甜甜。蒸鲩鱼收工太夜，平时完全冇时间去街市买鱼，所以见到有蒸鱼，真系超开心！有黄立䲝同鲩鱼，拣咗鲩鱼，好大块，鱼肉嫩滑。苦瓜蒸排骨排骨好腍好多肉，苦瓜薄切炆得入味枝竹萝卜炆牛腩全部都好入味又唔会太咸，牛腩松化唔嚡口，好送饭！
继续阅读