有益甜品 (已結業)

同移民左去外國既中學同學聚會..~十年冇見~難得返黎~食完酒泉後~未想分開住~因而有人提議食甜品~哈哈~正合我意.......一早已上OR睇過附近就只有呢間糖水舖..(因為唔鍾意b仔)所以就一行四人..入到門面整潔光鮮既甜品店內........眾多甜品中~我既選擇困難症又發作~芝麻糊,合桃糊, 腰果糊...唔知食咩好呢...朋友仔唔等我,分別叫左個芝麻糊, 白果蓮子腐竹糖水+湯圓, 西瓜西米露~我試左啖芝麻糊之後都覺得唔錯~好...我叫熱芝麻糊+紅豆沙..另要左個砵仔蘿蔔糕一齊食~芝麻糊既唔濃杰程度剛好~唔太甜~不過就覺得唔夠熱...見到友人既白果蓮子腐竹糖水奶白色,稀稀的~白果蓮子唔太多. 但友人話湯圓好軟熟~芝麻餡唔會成啖糖....至於西瓜西米露就極普通...因為只要西瓜入貨靚~d西米露冇咩技巧可言...我既紅黑: 紅豆沙份量較多~芝麻糊被紅豆沙溝稀左~但亦因為咁~呢個糖水就較有口感...紅豆沙多蓮子~但可惜冇果皮香....同埋溝左紅豆沙好似甜左d喎.......不過~芝麻糊係唔錯既...其實大家都唔係肚餓, 但見到砵仔蘿蔔糕咁特別~就要一客share食啦~切開蘿蔔糕都見到有一絲絲