譽滿點心專門店

新年果時收到朋友送嘅新疆棗皇糕，味道讓人一試難忘。話咁快就比屋企人食完。

問朋友邊度仲有得食，佢就同我介紹喱間譽滿。九龍城果間比較近我，地點都幾易搵。

今次就同屋企人過嚟飲茶，點咗兩籠棗皇糕，費事大家爭住食。

味道清甜不膩，口感煙煙韌韌，又好香棗味，真係好味過年糕多多聲。

之後就點咗芥末蝦餃，排骨飯，黑松露餃，奶黃包，鳳爪。

味道都正常，特別值得一提嘅係黑松露餃，我覺得幾香，味道都唔錯。

環境都清新整潔，我覺得好坐過酒樓，無咁嘈，無咁多人。

同埋上菜都快過酒樓，唔會要等好耐先嚟一籠。