影片
更多
2020-03-10
642 浏览
食過返尋味，又黎encore芝加哥。上次同朋友仔食完之後念念不忘，因為個環境氣氛好正，有酒飲有串燒食仲有足球睇。見今晚又無飯食，一於再去芝加哥開餐。一黎到梗係啤啤佢先啦，我叫左杯Samuel Adam，朋友要左apple cider，兩杯都夠哂透心涼呀！飲下酒吹下水D時間過得好快，野食又到啦。一上台，差Ｄ影唔切相，因為太香啦，我地已經急不及待流哂口水。香蒜燒巨型聖子王$98有兩隻，算係合理。好鐘意係串燒店叫海鮮食，特別香口惹味。今次聖子都算幾大隻，而且一Ｄ燒完都仲夠腍，再配埋Ｄ蒜茸，正到呢。香蒜燒鮮鮑魚$68三隻，呢個堅抵食！好怕熟左既鮑魚 “un”到咬唔開，好彩呢到無問題！同聖子一樣好惹味呀！蜜汁燒黑豚肉呢個係必叫！必叫！必叫！好入味，而且啖啖肉呀！肉質較腍，再配埋燒香脆左既表皮，配啤酒一流。芝士松葉蟹棒個個朋友都知我鐘意食蟹棒，但大陸好粉個Ｄ唔好搞我。呢到唔單止唔係一口粉，比較有口感，而且加埋芝士係面頭燒真係香好多呀。大蔥雞脾肉串呢個岩哂我同朋友仔。我唔食大蔥的，朋友鐘意食但又唔想食哂一串，呢個大蔥雞脾肉串就岩哂啦。雞脾肉再配兩件大蔥中和下，唔會太漏。就叫左其他串燒，基本上款式都幾
一黎到梗係啤啤佢先啦，我叫左杯Samuel Adam，朋友要左apple cider，兩杯都夠哂透心涼呀！飲下酒吹下水D時間過得好快，野食又到啦。一上台，差Ｄ影唔切相，因為太香啦，我地已經急不及待流哂口水。
香蒜燒巨型聖子王$98有兩隻，算係合理。好鐘意係串燒店叫海鮮食，特別香口惹味。今次聖子都算幾大隻，而且一Ｄ燒完都仲夠腍，再配埋Ｄ蒜茸，正到呢。
香蒜燒鮮鮑魚$68三隻，呢個堅抵食！好怕熟左既鮑魚 “un”到咬唔開，好彩呢到無問題！同聖子一樣好惹味呀！
蜜汁燒黑豚肉呢個係必叫！必叫！必叫！好入味，而且啖啖肉呀！肉質較腍，再配埋燒香脆左既表皮，配啤酒一流。
芝士松葉蟹棒個個朋友都知我鐘意食蟹棒，但大陸好粉個Ｄ唔好搞我。呢到唔單止唔係一口粉，比較有口感，而且加埋芝士係面頭燒真係香好多呀。
大蔥雞脾肉串
呢個岩哂我同朋友仔。我唔食大蔥的，朋友鐘意食但又唔想食哂一串，呢個大蔥雞脾肉串就岩哂啦。雞脾肉再配兩件大蔥中和下，唔會太漏。
就叫左其他串燒，基本上款式都幾多，而且都整得好惹味。一路飲啤酒一路吹水食串燒，人生一大樂事呀！
张贴
