DONKA 自家湯汁麵食專門店 (已結業)

#海赤蝦五色蔬菜濃蝦湯泡飯（HK$78）Shrimp & 5 Color Vegetables in Shrimp Bisque with Rice食材有蝦2隻、茄子x2、義大利瓜x2、西蘭花x2、大番茄、粟米。湯有好濃郁的蝦味、非常鮮甜！好適合做泡飯湯底，會停唔到口~~！偶然食到幾啖有Cream味，估計係因為帶到忌廉粟米陣味。所有食材都烤過。2隻蝦烤得特別香，可以連埋脆卜卜嘅蝦頭殼一起吃!茄子、意瓜每塊都有2~3cm厚度，都係先用鹽水煮熟再烤，內腍外焦嘅口感唔錯；雖然鹽水煮會冇味，但同濃湯飯一起食可以中和下。每次食到番茄都係直徑8cm咁大片，而且唔酸，好味。泡飯睇落同其他主食份量一樣多、碗一樣大，但應該係所有Donka主食中最大的一份！其他我都食得晒，哩份勉強吃完有十二分飽肚。