漁釧 (將軍澳中心) (已結業)

將軍澳中心裝潢完之後開左好多新食店，係門口見到餐廳設計十分日式，又有日本師傅係門口坐陣，就決定係呢間餐廳食個令lunch。一開餐牌有d驚喜，估唔到有咁多種類既日本菜。壽司、刺身、拉麵、炸物、烏冬甚至甜品都有。最後點左醬油三文魚壽司，火炙牛油帆立貝壽司，蟹子壽司，三文魚富士山，天婦羅配烏冬，同埋宇治抹茶紅豆冰。首先黎既係非常高質既壽司。火炙過既醬油三文魚壽司入口即融之餘相當厚肉，仲有好香既三文魚味係口裡面爆發。火炙帆立貝壽司搽上牛油燒過之後令帆立貝更有鮮味，帆立貝愛好者必試蟹子壽司同樣高質但就無咩特別。見到餐牌上面有推介三文魚富士山於是點左，點知中左小伏。所謂富士山其實係青瓜卷疊起再鋪幾塊三文魚刺身，淋上沙律醬，最後加d蟹子，十分普通。個人認為沙律醬既味同三文魚唔夾，淋d咁稀既沙律醬完全係畫蛇添足。天婦羅海蝦真材實料，炸粉分量適中，蝦好新鮮好厚肉，無偷工減料，蔬菜天婦羅都好正。烏冬用左稻庭烏冬，好彈牙但湯底無咩特別。最後既甜品真心推薦。抹茶冰內有奶香極濃既雪糕同份量好夠既粒粒紅豆蓉，冰上既cream又香又軟滑，旁邊3粒白玉煙韌但唔太硬。最後，亦都係最重要既抹茶醬十分香濃，入口回甘，中和左