影片
更多
2021-07-26
91 浏览
建議：如果唔想坐樓上(分開左舖位，要上隔離唐樓樓梯)，記得要早少少到。話說因為得知九龍城有間台灣食店出左2小時放題，可以上網比錢訂座，所以就約埋 #試伏專員 W君一齊去。突登揀星期1-4 既8點😂 但估唔到都係超多人😌如果淨係講食物質素，整體水平正常，唔係超好食亦唔會太難食。不過如果講食物送遞速度同安排就真係好好好伏🚁 伏到W君幾次想起身走，無奈一早比哂錢😂 所以只能等。全餐飯入面真係聽得最多既就係「等等」(完全符合店名設定)🙈🚁伏伏伏伏伏伏伏伏🚁🤦🏻♀️ 店舖安排 「等等等等等等……」1️⃣ 安排位置有啲混亂。Book左8點 ，提早左去差不多15分鐘到。店員目測邊啲人係早到，就逐個問幾多位。因為前一段時間既人未走 (同時又無人執枱/提醒夠鐘😂 所以完全無人離座)，然後又安排左4人先入座坐卡位先，而2人細枱係無爐食烤魚，最後又要等前一時段既枱離席先入得 😅2️⃣ 慶幸加錢食烤魚，而因為比較早到，店員幫忙安排到舖面既卡位👍 因為唔夠位，就要上樓上坐。雖然無上去睇過環境，不過見著啲野食，經店員行樓梯送上去，已經感覺麻麻。啲飲品同食物無遮無掩，直接出餐> 店員行出舖頭>行樓梯 😅🤦
話說因為得知九龍城有間台灣食店出左2小時放題，可以上網比錢訂座，所以就約埋 #試伏專員 W君一齊去。突登揀星期1-4 既8點😂 但估唔到都係超多人😌
如果淨係講食物質素，整體水平正常，唔係超好食亦唔會太難食。不過如果講食物送遞速度同安排就真係好好好伏🚁 伏到W君幾次想起身走，無奈一早比哂錢😂 所以只能等。全餐飯入面真係聽得最多既就係「等等」(完全符合店名設定)🙈
🚁伏伏伏伏伏伏伏伏🚁
🤦🏻♀️ 店舖安排 「等等等等等等……」
1️⃣ 安排位置有啲混亂。Book左8點 ，提早左去差不多15分鐘到。店員目測邊啲人係早到，就逐個問幾多位。
因為前一段時間既人未走 (同時又無人執枱/提醒夠鐘😂 所以完全無人離座)，然後又安排左4人先入座坐卡位先，而2人細枱係無爐食烤魚，最後又要等前一時段既枱離席先入得 😅
2️⃣ 慶幸加錢食烤魚，而因為比較早到，店員幫忙安排到舖面既卡位👍 因為唔夠位，就要上樓上坐。雖然無上去睇過環境，不過見著啲野食，經店員行樓梯送上去，已經感覺麻麻。啲飲品同食物無遮無掩，直接出餐> 店員行出舖頭>行樓梯 😅
🤦🏻♂️ 出餐時間「食放題食唔飽食黎做咩……」
1️⃣ 因為知道烤魚會等得耐，一坐底即刻落單，飲品係最快等左10分鐘左右就到👍但野食就真係戲肉，第一碟黎既係溏心蛋 (等左30分鐘)，第二碟黎既係柯仔煎 (等左40分鐘)，第三碟黎既係花枝丸 (2粒，等左45分鐘) 😂
之後就無再黎過第一輪既野食‼️🥲 而突登加錢既烤魚 (雖然只係每位＋HK$18) 差不多等左50分鐘都仲未有🙉 唔知係漏單定係因為食烤魚係cover 唔到成本⁉️😆
期間全場既枱都充滿野食，店員行左過黎幾次望下，之後就話「等等」廚房整緊 (Okay 當然無問題，但其他枱啲野食keep住黎，好香🥲 真係不斷黎，又有肉燥飯，又有鴨血麵，仲有好難得見到既鹽酥雞)
值得一提既係柯仔煎🤣 第一輪紙仔時寫左1但黎左3次，仲要分唔同時段 (無黎過其他野，就係得柯仔煎😢)
2️⃣ 作為 #芫荽控 多多少少都係因為餐廳話出左個芫荽系列，所以先決定要一試依個放題。可惜全個芫荽系列，分別入左4次紙仔，最後只係黎左個凍既芫荽鹽酥雞😩 色水幾靚，不過係無芫荽味。
3️⃣ 因為第一輪只係黎左3樣野食，第二輪落個時，店員話廚房唔會漏單，會幫手追追。最後第二輪都係黎左3樣野食，條烤魚終於到啦 🙏🏻 即刻再落定多1條同追多次之前既野食。店員都係講「等等」好快有，今次真係好快黎左條烤魚，不過已經無哂麻辣味🙈 而第三輪叫既野食黎多左3樣 🤣
4️⃣ 當第三輪都無野食到時，隔離枱直頭同我地講😂 不如個枱號試下寫佢地個個。然後，後面枱既人已經講緊：食放題，食唔飽，食黎做咩🤓
神奇既事發生左，佢地枱啲主食 (鴨血麵、肉燥飯、台灣麵)送到啦🥲🥲 係依個時候，當然要把握機會追下，最後麵無出現過，不過終於有番碗肉燥飯 🤣
5️⃣ 時間過得好快，已經係 9:30，要落最後一輪。係落單前又再問多次第1/2/3輪既野係咪唔會再黎 (驚一陣又無啦啦一次過到哂)😂 店員話「等等」入廚房問下先，今次出番黎話原來廚房漏哂單🙃🙃🙃🙃 而且芫荽多士 (部機壞左)，芫荽野都無哂啦 🤯
6️⃣ Btw 成個放題，除左#芫荽 系列，仲有一個賣點就係 196既芋圓 @196_handy_taro 之前實在太難買，竟然依家有得食❤️ 可惜既係落左單 > 催單 已經差唔多10點🤯 最後只係黎左2碗，total 得7粒🥲 好想 Encore呀，去196既艾豬買可能仲開心 😆
💪 值得一讚位 「希望老闆會收到」
🤵🏻♀️門面既店員真係好忙，出餐仲要送餐上樓上，行黎行去。睇見佢地完全無停手，但都唔會比面色啲客睇👍 整體餐廳氣氛其實係正常，食客可能都見佢地好忙。除左出餐食物極慢外😂 出飲品反而又幾快。
🥤 因為等野食太耐，飲左4杯野。芝士奶蓋唔錯👍 夠濃厚，如果想要少甜/少冰/走飲管，可以試下寫埋落張落單紙度。
张贴
