影片
更多
2019-04-12
66 浏览
呢排成日喺油尖旺出沒🔎搵好野食😋今日同男朋友黎到呢間 @Chiba (吃吧）🍹好近油麻地站A2出口💓.👸🏻🤴🏻兩個人嘅大食餐單（係意外😂）1️⃣吃吧招牌拼盤（$132）拼盤有蟹肉牛油果波波🥑、鵝肝酥盒、水牛芝士蕃茄仔🍅、黑魚子鳥蛋🥚同埋忌廉芝士煙三文魚，上菜時店員仲會加乾冰入碟底，令拼盤上嘅食物keep住凍之餘，個煙霧瀰漫效果影相都一流😍👍🏻好似去左仙境～味道方面都唔錯，用料新鮮。我地食嘅次序會跟番淡➡️濃，首先食左黑魚子鳥蛋，主要食番食材嘅原味，但個人覺得可輕輕用鹽、胡椒釣味更佳☺️；之後食水牛芝士蕃茄，車厘茄幾甜，但都係覺得加番少少鹽、胡椒釣味會更好；牛油果選用生熟度剛好的，雖然蟹肉🦀份量唔多但都食到蟹肉嘅鮮甜味；忌廉芝士煙三文魚基本上係不敗菜式🙊只要唔係揀尾部多筋嘅部位，而且煙三文魚溫度保持到，食落就唔會成口油，配埋忌廉芝士就會加強個幼滑口感☺️；鵝肝酥盒面頭有片青蘋果🍏及黑醋，用黎中和鵝肝同埋酥皮盒嘅油膩感👍🏻鵝肝味唔算超濃，係微香的，唔會太濃烈太搶味，估計係mix左其他肝落去減輕個濃烈感。2️⃣烤西班牙豬肋骨（大：$278）叫呢道菜之前😂我抱住一個平時喺其他地方食開嘅豬肋骨嘅概念（就係一枝
搵好野食😋
今日同男朋友黎到呢間 @Chiba (吃吧）🍹
好近油麻地站A2出口💓
.
👸🏻🤴🏻兩個人嘅大食餐單（係意外😂）
1️⃣吃吧招牌拼盤（$132）
拼盤有蟹肉牛油果波波🥑、鵝肝酥盒、水牛芝士蕃茄仔🍅、黑魚子鳥蛋🥚同埋忌廉芝士煙三文魚，上菜時店員仲會加乾冰入碟底，令拼盤上嘅食物keep住凍之餘，個煙霧瀰漫效果影相都一流😍👍🏻好似去左仙境～味道方面都唔錯，用料新鮮。
我地食嘅次序會跟番淡➡️濃，首先食左黑魚子鳥蛋，主要食番食材嘅原味，但個人覺得可輕輕用鹽、胡椒釣味更佳☺️；之後食水牛芝士蕃茄，車厘茄幾甜，但都係覺得加番少少鹽、胡椒釣味會更好；牛油果選用生熟度剛好的，雖然蟹肉🦀份量唔多但都食到蟹肉嘅鮮甜味；忌廉芝士煙三文魚基本上係不敗菜式🙊只要唔係揀尾部多筋嘅部位，而且煙三文魚溫度保持到，食落就唔會成口油，配埋忌廉芝士就會加強個幼滑口感☺️；鵝肝酥盒面頭有片青蘋果🍏及黑醋，用黎中和鵝肝同埋酥皮盒嘅油膩感👍🏻鵝肝味唔算超濃，係微香的，唔會太濃烈太搶味，估計係mix左其他肝落去減輕個濃烈感。
2️⃣烤西班牙豬肋骨（大：$278）
叫呢道菜之前😂我抱住一個平時喺其他地方食開嘅豬肋骨嘅概念（就係一枝骨係手指長度左右），問左店員大同細分別有幾多枝骨，店員話細嘅3-4，大嘅6-8，咁我就諗3-4枝手指大細（平時出面食開都係咁上下size）應該唔夠飽，所以就落單話要個大嘅🙈點知一黎到嚇到眼都凸👀呢度嘅一枝豬肋骨係平時我食開嘅2-3倍大😂好誇張‼️太抵食喇掛，配埋雙色薯條🤤忍唔住即刻成枝用手拎住食（儀態都唔顧喇🙈），豬肋骨非常夠味，烤完都唔會太乾，而且個肉質拿捏得好好，肉汁鎖曬喺入面，食落好juicy，可見廚師👨🏻🍳👩🏻🍳非常掌握呢度菜嘅火喉同埋對食材嘅了解💓個醬汁係BBQ汁，有微微煙燻味🤤好正，加上呢個豬肋骨啖啖肉，脂肪含量唔算高😆食曬都唔會好漏（但好飽😂）
3️⃣慢煮甜酒牛面頰（$188）
呢個係店員推介🎖話影相靚同埋用心烹調，其實我同男朋友讀同做過西廚都深切明白到慢煮由預備到出餐係幾花心力、功夫同時間，唔係三兩個字完成到嘅事‼️特別係牛面頰（面豬登）呢啲本身係少脂肪、有豐富膠質較韌嘅部位，要多重功序先可以煮得焾同好食（🙈想知更多可以google搵Braised/Slow cook beef cheeks，你就會知要幾耐時間先煮到），我地都只係喺法國餐廳食過一次（貴好多），今次一於試下🤤一試之下覺得個味的確唔錯，睇得出廚師烹調時好有心機，特別係個醬汁，同個肉非常夾，但食到最後1/3已經冇乜汁剩，如果可以再多啲醬汁會更出色👍🏻另外肉質方面，正統應該係要煮到好焾，焾到一絲絲咁，但唔好理正統唔正統，於我而言我覺得肉點都要保留啲咬口同質感先好味💓☺️所以我個人好鍾意呢度嘅質感，唔會太焾焾到好似煲湯肉咁，會保留番一啲膠質質感同肉嘅纖維👍🏻欣賞。
4️⃣CHIBA’s Special Homemade Soda（$65）
呢個係男朋友飲嘅，主要係提子🍇味嘅Soda，入面再有唔同嘅新鮮水果，好refreshing，啱晒食咗咁多肉嘅我哋去清一清個口，同埋去走啲油膩感💓
5️⃣熱情果接骨木花茶（$56）
我揀呢個嘅時候絕對係因為佢用左接骨木花（之前分享過接骨木花係對身體有幾好💓），點知黎到係用花樽裝住😍勁驚喜，影相影左好耐😂
之後到真係飲都覺得好好味，接骨木花本身唔算好濃味，熱情果味會比較出，酸甜度適中，又係一款refreshing飲品👍🏻。
.
整體黎講，呢間餐廳絕對係值得再食🥳除左因爲性價比同食物質素高，店員亦對菜式嘅了解都好仔細，我地問嘅問題都能夠解答👍🏻非常有禮貌及有耐性，係近期喺旺角食過最驚喜嘅餐廳‼️
.
😋吃吧 (旺角)
📍旺角彌敦道566-568號僑建大廈2樓2室
.
.
#hkfoodie #foodie #hkfood #hkblogger
张贴
