已經黎左第2次喇 地位確實榮升左(係我心目中嘅小店排行榜)😂😂
第一次去係星期五，第二次係星期日去
星期日超級多人，幾乎爆曬場
因為間餐廳都闊落 所以位同位之間唔會太近
4個人 叫左3個主食 一個小食一個pasta
🍴小食 - 煎法國鴨肝配無花果 $68
想食鵝肝，但係上次嚟呢老闆話呢隻鴨肝都好香口所以今次就聽佢講試下。
煎到表面有個薄脆既感覺，一放入口，的確好甘香🤩加埋d沙律菜、黑醋同士多啤梨 (無花果賣哂)，甜甜酸酸不斷係口入面衝擊
🍴 pasta - 卡邦尼煙肉意粉 $88
味道正正常常，好多煙肉，幾creamy
但唔會食完好油膩嘅感覺。
🍴 main - 1. 香煎三文魚拼大蝦 $148
對一個海鮮控黎講，大蝦肉質彈牙，三文魚d肉肉質超嫩
除左咁岩個size比較細條其他都無得挑剔🙈
🍴 main - 2. 紐西蘭一級法式羊扒 $238
全熟 - 食肉/扒類好多時我都答到你肉質靚唔靚
點解呢？ 因為有時我屋企人係會食全熟 (有d人真係食唔到血水我完全明白)
全熟嘅肉類都仲保持多汁juicy嘅話我諗都冇其他嘢可以補充👍🏻👍🏻 (個人意見:拒個汁可以唔點都得，一來唔係好夾二來我深信原汁原味係最正)
🍴 main - 3. 美國頂級安格斯肉眼 $298
5成 - 承上題我唔係好怕食血水嘅
所以叫咗五成🥩好抵讚成塊完全無韌既地方...
肉夠新鮮簡單嘅調味鹽同黑胡椒其實已經夠㗎啦我d汁都冇掂過😋😋好滿足
主菜就包餐湯包嘢飲，如果Pasta 想飲嘢 +$10，餐湯同包都係再+ $15咋👍🏻
拒餐牌暫時得兩款甜品，1係芝士餅，2係心太軟。
上次試左心太軟，朱古力幾香濃幾岩我心水，但... 無雪糕提供真係爭d😭 (我同老闆反映左架喇😭)不過今次太忙老闆都無岀黎同我地吹水。。
芝士餅就留返下次再試啦😙
OpenRice訂枱仲有85折，好抵食！
小店窩心製造，我一定會再去支持💪🏿💪🏿
