sips;;lban

营业中

休息中

海港城一直都有好多打卡嘅餐廳，今日嚟到海運嘅地下！👍🏻半半炸雞分別揀咗蒜香蜜糖炸雞、洋蔥汁炸雞，食落真係好有韓國食到嘅風味，雞皮香脆不油膩，雞肉多汁嫩滑。蒜香同蜜糖嘅配搭非常之恰到好處。👍🏻辣魷魚紫菜包飯當你叫咗炸雞就唔想食得過於滯肚，所以揀紫菜卷就係明智嘅選擇。每一件嘅飯卷都包得相當實淨，配料滿滿，辣魷魚嘅味道相當突出！👍🏻軟綿綿粟米蛋糕咁大個人先係第一次食粟米味嘅蛋糕，抱有試伏嘅心態但竟然帶嚟咗滿滿嘅驚喜蛋糕嘅口感做得非常鬆軟，中間嘅忌廉亦都相當輕盈，火炙過嘅粟米，加上木糠、朱古力脆脆居然相當和諧。👍🏻伯爵茶布甸牛角包窩夫天氣轉涼，所以婉拒咗刨冰嘅誘惑，揀咗呢一款擺盤豐富、少女一定會喜歡嘅牛角包窩夫。窩夫並無因為配料而變得濕潤或者軟淋，反而牛油香氣非常誘人，加上滑捋捋嘅布甸、牛奶雪糕、黃豆粉厥餅，帶點冰火交融嘅感覺！最鍾意一定係佢額外加配嘅伯爵茶醬汁，茶味幾香。👍🏻濟州金橘梳打食完咁多嘢之後梗係想嚟一啖清爽又解膩嘅飲品，呢杯口感清新舒爽，更更加有大大塊嘅柑橘肉添。👍🏻櫻花泡泡浴用咗櫻花嘅糖漿，加入咗棉花糖、白朱古力，非常之少女心！飲落去亦都冇預期中嘅甜，奶味確實係好好地中和咗。