影片
更多
2021-12-23
71 浏览
我好少寫食評,，一嚟因為工作比較忙，二嚟自覺文筆亦唔係出眾。 但今日我真係唔瞓覺住都要同大家講一講我係Peloton遇到既一件非常令人氣憤既事。 Peloton呢間餐廳係朋友係網上見到既，因為可以帶狗狗一齊用餐，而且大家都話食物味道好，所以我地一直希望可以約到時間帶埋狗狗去食好野。 9月既時候，我地趁住中秋節，預訂左尼間餐廳，點知就收到餐廳whatsapp通知因為餐廳未能攞到政府既批文，所以要即時暫停晚市。於是我地既第一次試新計劃就咁胎死腹中。 今日，我地終於又夾到時間，而且係慶祝朋友既生日，大家都盡早放工，準備好蛋糕，車埋狗狗，準時去到餐廳。結果，迎接我地係：唔好意思，因為今日天氣既關係，我地其實已經取消左你地既booking。而且你地帶左狗，我地餐廳受牌照所限，係唔可以帶狗入室內用餐既，所以你地如果想用餐既話，只可以坐係出邊既露天位。 喺果一刻我地嘅心情簡直就係晴天霹靂！餐廳單方面取消左booking，但無一個人諗過要通知客人。咁都未夠，仲要客人係室外氣溫只得十零度，又濕
但今日我真係唔瞓覺住都要同大家講一講我係Peloton遇到既一件非常令人氣憤既事。
Peloton呢間餐廳係朋友係網上見到既，因為可以帶狗狗一齊用餐，而且大家都話食物味道好，所以我地一直希望可以約到時間帶埋狗狗去食好野。
9月既時候，我地趁住中秋節，預訂左尼間餐廳，點知就收到餐廳whatsapp通知因為餐廳未能攞到政府既批文，所以要即時暫停晚市。於是我地既第一次試新計劃就咁胎死腹中。
今日，我地終於又夾到時間，而且係慶祝朋友既生日，大家都盡早放工，準備好蛋糕，車埋狗狗，準時去到餐廳。結果，迎接我地係：唔好意思，因為今日天氣既關係，我地其實已經取消左你地既booking。而且你地帶左狗，我地餐廳受牌照所限，係唔可以帶狗入室內用餐既，所以你地如果想用餐既話，只可以坐係出邊既露天位。
喺果一刻我地嘅心情簡直就係晴天霹靂！餐廳單方面取消左booking，但無一個人諗過要通知客人。咁都未夠，仲要客人係室外氣溫只得十零度，又濕又凍既天氣坐係出邊用餐。我只想請問一句，病左你地負責嗎？朋友既媽咪已經七十歲，出左問題，你地負責嗎？
當我質問接待人員，點解cancel booking完全無通知？我地趕左一日工幾乎無食過野，放左工趕返屋企接埋狗狗，再揸車入屯門，就為左呢度辦慶生宴，然後你輕飄飄一句：我地cancel左你地嘅booking。你地覺得合理嗎？
佢地理所當然無言以對，除左對唔住，佢地都無其他野可以講。而身為苦主既我地就更加無野好講！我仲可以講咩呢？講我預約既時候已經寫明今日是慶生嗎？講我預約既時候已經寫明我會帶隻狗嗎？講我饑寒交迫已經開始胃痛嗎？有用嗎？根本就無用，如果間餐廳係真心為客人考慮既，就唔會係客人忙於工作既時候直接cancel booking而無通知啦！
噢！我忘記講，佢地係有打過一次電話俾我既，但當時我開緊會，唔可以聽電話，咁請問係咪我既留言信箱滿左，你留唔到言呢？係咪我既whatsapp出左問題，你地send唔到msg俾我呢？如果係既話，我同你地講返句對唔住。但我Check過，一個留言都無，whatsapp一切正常。
因為咁，我地無機會話俾大家知食物好唔好味，至於餐廳環境好唔好，乾唔乾淨，以我係門口所見，應該係無問題既。而我寫呢篇評論，主要係提醒大家去食飯當日最好同餐廳double confirm你地既booking，唔好好似我咁信錯人，乘興而去，敗興而歸。
张贴
