近又吉列黑豚專賣店 (已結業)

晚上去到不用等位就可入座，有點擔心，但既來之則安之。我們被安排了坐二人卡位，都幾闊落。它們供應三款醬汁，分別是梅子味吉列汁，還有配椰菜絲來吃的蘋果醬和青瓜醬。我們叫了兩個定食: 每個定食有小小一件胡麻醬豆腐、麵豉湯、珍珠米飯和椰菜絲。珍珠米飯和椰菜絲都可以免費添食。千層芝士吉列黑豚定食: 等了大約二十分鐘，終於有得食，千層黑豚早已切成八份，熱辣辣芝士仲係流心。我已急不及待馬上放入口，芝士味同黑豚幾夾，可惜食到一半好快已經凍左，一凍左芝士馬上硬番冇咁好味。千層黑椒吉列黑豚: 這個都是一同上桌, 黑椒同黑豚就冇咁夾，而且分佈唔係咁均衡，有d好重黑椒味，有d就冇乜味。反而很欣賞它們的珍珠米飯，很有米味足足食了兩碗，而椰菜絲很新鮮配蘋果醬或青瓜醬也很好吃。炸物水準跟TONKICHI有點距離，可以一試，不過不用特登去。