影片
更多
2011-01-27
19 浏览
我地由尖沙咀地鐵站A出口出發,我地行到去差唔多海港城入口,見到有個皇家太平洋酒店入口,但呢個門口一定係側門吧~無可能入到去係條走廊only,完全無酒店大堂...轉右便是6部lift,但係得3部可以上到3/F buffet樓層...等好耐lift都唔未落返黎,企0係道等,更加睇唔到上到第幾層... show off餐桌上共2份叉及2隻匙,一張綠色的餐紙~熟食區達10多款美食~真的大開眼界~第一款望到的是關東煮???驚喜~有魚蛋,.獅子狗卷,鳴門卷,白蘿蔔!! 味道清淡~很健康!甜酸魚柳塊::: 個賣相真係幾似咕嚕肉,配上酸甜的菠蘿,青椒,洋蔥~但食落口原來係鮮味的魚柳,無雪藏味,非常好吃~ 家人也很愛吃,夾左好多件來品嚐~豉椒青口::::非常滋味,生食同埋熟食的滋味留在口腔內漫延至整個人~韓式炒公仔麵:::: 很好味,有好多菇同埋豬肉~yummy又帶有好輕微的辣味!魚香茄子::: 我的最愛~非常好吃,帶有魚肉味!燒牛肉::: 約8成熟~肉質很好~好吃! 三杯雞::: 雞肉具台式的風味所在~tasty很滿意~又無乜骨!牛仔骨::: 不太建議試呢款,因為肉質好「un」,不太咬得開...沙律
show off
餐桌上共2份叉及2隻匙,一張綠色的餐紙~熟食區達10多款美食~真的大開眼界~第一款望到的是關東煮???驚喜~有魚蛋,.獅子狗卷,鳴門卷,白蘿蔔!! 味道清淡~很健康!
甜酸魚柳塊::: 個賣相真係幾似咕嚕肉,配上酸甜的菠蘿,青椒,洋蔥~但食落口原來係鮮味的魚柳,無雪藏味,非常好吃~ 家人也很愛吃,夾左好多件來品嚐~
豉椒青口::::非常滋味,生食同埋熟食的滋味留在口腔內漫延至整個人~韓式炒公仔麵:::: 很好味,有好多菇同埋豬肉~yummy又帶有好輕微的辣味!
魚香茄子::: 我的最愛~非常好吃,帶有魚肉味!
燒牛肉::: 約8成熟~肉質很好~好吃! 三杯雞::: 雞肉具台式的風味所在~tasty很滿意~又無乜骨!
牛仔骨::: 不太建議試呢款,因為肉質好「un」,不太咬得開...
沙律區款式唔會奇奇怪怪,有一款凍食的螺絲粉帶有少少紅椒~另外有普通的腰豆,生菜,青瓜之類~ 凍肉方面只係試左煙3文魚,有檸檬飯取,可吱在煙3文魚片上,正呀!!
DIY凱撒沙律, good!附上芝士粉,煙肉碎任你撈!
海鮮區
雖然我唔係特別地愛吃海鮮~但難得有得食,當然乜都試下啦~ 美國藍青口,呢款味道佳 海螺,田螺,蜆味道也很鮮味!!
日式區多款sushi~我扲左大大件的3文魚,太卷,有好多蟹子, 櫻花卷,中間還有一件車打芝士!!正呀~
刺身飯::: 顏色令人胃口大開~有很多很多的3文魚切粒及勁多蟹子!!!有少少黏口,正 其實唔加豉油也很夠味!
三文魚刺身::: 師傅準備好晒一碟碟分派給客人,很捧~共5厚切片~味道非常鮮~正正正!wasabi真係好夠辣!
冷麵:::: 麵條非常幼細,如天使麵似的~很特別!!我加左青瓜條,蟹柳,木魚絲,附多種日式醃料拿取,試過黃薑及紅薑用來調味也不錯~ 但無乜人會扲,我試左一種紅+綠色的醃料,酸酸地,幾開胃~最欣賞的就係冷麵汁及日式豉油禁制就可以倒出來用日式碟仔盛放~方便又衛生!!
中式點心區
有粥品,不過唔試lu,廢事食完一碗已經好飽..我想試其他款式食品~我試左一款蒸馬拉糕::: 像西式蛋糕仔一樣,非常好味,有質感及熱騰騰!魚翅餃及蝦餃好多人扲,皮夠薄,餡料也很好吃!
BBQ區我試左師傅用竹簽串好的翠玉瓜,茄子~ 可惜腸仔好受歡迎,一下子就比人掃清晒.... 可自行夾 師傅弄好的紅蘿蔔粒,茄子,黃椒,切1半的番茄~good!!再加上芥末,夠辣!
甜品區
非常多款甜品,令眾多女士也感到滿心歡喜!!連我也感到大開眼界~ 麵包布丁(除左原味之外仲有朱古力味):::: 兩款也非常好味~口感軟綿綿~甜度適中!加上煉奶後更加好吃~~非常熱!!重蛋味~至於朱古力味的麵包布丁,朱古力好入味,濃郁的朱古力味~正正正
日式芝蛋糕:::: 口感好輕身,軟綿綿如綿花糖,油膩感絕不重!! 具濃香的芝士味~切細細件3角形size的芝士蛋糕,食一件後都唔怕好飽濟~豆腐慕思::: 非常軟身~口惑似綿花糖,綿質的慕思~入口即溶tim!有豆腐味!!有少少紅豆茸在表面~good
忌廉「木秦」子批::::: 有好多「木秦」子餡料,但略為甜...好大件,加上有肥膩感...所以只吃了幾口便放棄~
Haargen Dazs 迷你雪糕杯:::: 其實開始食無幾耐我有見到,但又覺得未咁快食甜品住,所以再過多陣先扲,但見到d客人好瘋狂ga,一個人扲5-6杯呀大佬..各位都為Haargen Dazs 而瘋狂 ..........同一個雪櫃內有雀巢雪糕杯,當然係完全無比人郁過的跡象.... 最後到我扲果陣,都係得返1杯云呢拿味及coffee味only..........朱古力味比人清晒,唔緊要~我見到有冰板炒雪糕:::: 有個客人排隊等緊~我先用碗盛下我想加的配料,我揀左奇異果,哈蜜瓜,但係見個女職員弄呢份雪糕果陣,真係融得幾快,不應該加生果在內吧?!?!我第1次食..所以不知道....扲到返埋位,真係好快變左水狀...... 其實都唔覺得有咩咁特別...只係雪糕內加左生果,合桃的配搭而已
即叫即製pancake:::個職員弄到個皮好薄!!cream又唔會落得好重手,cream的口感好軟!!!用雜果作餡料,我再自行加草莓,奇異果,火龍果粒,芒果乾粒~朱古力針,杏仁!!滿滿的水果裝飾,再配上草莓醬!!
藍莓芝士凍餅:::: 一見到個師傅扲出來,我便夾左2件,不過當時都有點飽..所以都食唔晒,但實在非常好吃!細細件已經好足夠!!!
.吉士忌廉草莓窩夫:::: 窩夫的硬度適中, 吉士忌廉很軟滑+SOFT,中間夾著鮮草莓粒,美味
收碟速度真係幾快,職員多數有禮,當我地開始食無幾耐有位身穿紫色西裝的經理走過來問我地有無優惠,咁就方便職員盡快入數,埋單時更有效率 $208 /1位,但係計total條數每人又唔只$208......我地坐近窗口位,我訂位果陣有提及想坐卡位,但原來無設卡位,所以安排個較寧靜的座位俾我地,也很不錯!!
呢次有咁多款推介美食,確實真的值得推介!!!!!!!!!
张贴
