CheckCheckCin 米水茶飲 (已結業)

Follow咗呢个ig好耐，知道系由一位中医师开嘅，亦试过佢哋嘅纸包米水饮品，唔知系心理因素定点，饮完硬系觉得个人精神咗，相信健康饮料会系嚟紧嘅大趋势！今次有机会见到间实体舖，紧系饮返杯支持下啦！成间舖嘅设计都充满粉红泡泡少女心，仲有其他产品买，例如茶包、汤包、暖水壶同其他souvenir，直头拍得住大型连锁咖啡店！每杯嘢饮都会写埋有咩功效，好适合繁忙嘅都市人，一睇就拣到边杯适合自己。📍 竹蔗粟米须米水（冻）$36 🍹价钱 10/10味道 10/10今次拣咗杯一定唔伏嘅试下水温。我呢d肤浅嘅人就睇好唔好味架啫，好味仲要健康就当然系bonus！呢间嘅所有冻饮都系走冰嘅，而糖就选用蔗糖（冇记错的话），基底系米水，饮落清清哋，冇叫少甜都唔会好甜，即使有竹蔗一齐煲都系咁话，绝对系健康之选。官方话呢杯系可以健脾祛湿同减轻疲惫感，适合春困、脾胃虚弱、容易疲倦、水肿、小便不畅顺、一直沉睡且慵懒的人们。💌总结呢个价钱，喺市场上可以买到一杯黑糖珍珠奶茶，但就算叫到有几少少少甜都好，大家都知其实都只系一杯唔健康嘅塑化剂，倒不如试下健康嘅米水饮料！呢间绝对系私心推介！